O ano 2008 finaliza com a publicaçom de duas muito interessantes monografias: umha da Revista Galega de Filoloxía, da Universidade da Corunha, que difunde os documentos galego-portugueses mais antigos, dos séculos XII e XIII, em trabalho de José António Souto Cabo, reputado medievalista da Universidade de Santiago de Compostela; e Veredas, da Associação Internacional de Lusitanistas, que oferece contributos de especialistas de vários países e áreas, que frisam diferentes manifestaçons e reptos respeitantes à diversidade da língua (Galego-)Portuguesa na actualidade.

Vén de saír á rúa un novo libro de Santiago Castelao Diñeiro. Este autor ten xa varias publicacióis sobre fotografías de Vilafranca, o refraneiro berciano e mailas árbores singulares. Nesta ocasión descúbrenos a “Historia de la Prensa en El Bierzo”. De xeito sinxelo fai un rápido repaso polos xornais que se editaron na rexión berciana. Unicamente Santiago podería realizar este traballo, só el se preocupou de recompilar todas esas publicacióis de tanto valor histórico no seu arquivo privado.