A QUEIMA DA DEVESA DO FABEIRO NO ANO 1510. DESPUTAS ENTRE CARRACEDO E PONFERRADA (1ª PARTE)

Começa o nosso documento histórico "nas Cabanas do Fabeiro, termo e jurisdición da vila de Ponferrada, a dous días do mes de agosto, ano do nascimiento do noso salvador Jesucristo, de mill e quynientos e dez anos (...)". E continua o documento "Joam Morán, vesyno da devandita vila dixo que por virtude do poder e comisyon que para o abaxo será contido (...)". E indica-se que "eu Joam de Montalvo, corrigidor e justiça maior na vila de Ponferrada e jurisdicçom, mando a vos Joam Morán, vesyno desta vila que vayays juntamente con Lope Boto, regedor desta vila, escribano da reyna nosa señora porque están ocupados os do número, e fagays para ante o pesquysa en toda esta tyerra e jurisdiccion de que e ou como ou de que xeito ou a que cabsa púxose un lume oy día de sant Pedro, primeiro de agosto de mill e quynientos e dez anos, por todas as vias e formas que pudyerdes de maneira que trayays sabyda a verdade (...)". Pretende-se atopar a "pessoas a quyen poida castygar por que o dano que a esta vila ha rescibydo do devandito lume pesa mais e é de mais estymacion de quynientos mill maravedís (...)".

Assim pois o corrigidor da-lhe o poder a Joam Moran para levar a cabo a pesquisa, e ademais indica, "mándovos que sy fallardes que se puxo por persoas de fóra desta jurisdicion o devandito lume vayays ao mosteiro de Carrazedo sy lle tocareo a outras partes e requirays ao señor abbad que logo vos de o seu xuíz para que se xunte convosco a saber a verdade e nos outros logares e conçejos o mesmo. Aos que achares (folio 1v) culpantes desta jurisdicion prendeldos e traeldos esta vila. Joam de Montalvo, Diego Boto escribano (...)". O que acabamos de ler refere-se a que o concelho de Ponferrada e o mosteiro de Carracedo formavam duas jurisdicões, e en cada umha delas havia un oficial encarregado de exercer a justiça, a saber, o corrigidor real de Ponferrada e o merino senhorial do mosteiro de Carracedo, respectivamente.

A documentaçom que tratamos continua "querya haser e fasya do seu oficio pesquysa e ynquysyon cabsa do lume que se puxo e pego onte xoves que foi prymero dia do mes de agosto no monte do Fabeiro, e pedya ao meu, o devandito escribano, déselle por testemuño a dita pesquysa que fasya e as deposiçiones dos testygos que rescibyese e doutros guales (...)". Joam Moram, juiz pesquisador, vai interrogar a testemunhas de Carracedo para conhecer os feitos certos que deram origem ao lume mencionado. A primeira testemunha, Joam Torneiro, à pergunta de Joam Moram, "sy sabya quyen avya posto o lume do Fabero, que se puxo día de sant Pedro", "dixo que este testygo yva desde as cavañas á Vaqueryza que esta preto de Carrasedo a buscar obreiros para majar, e que viu como se puxo lume entre a Vaqueryza e Carrazedelo, e chegado este testygo á Vaqueiryza, que estaban ally xuntos quatro ombres e que este testygo pregúntolles quyen puxo aquy lume, e eles lle dixieron os que axudan ás lyebres, e que despues paso este testygo diante da Vaqueryza e chegado ao prado de Carrazedo viu como se (folio 2) alço o lume contra Narayola (...)".

Continua a documentaçom anotando que se atopam os actores no lugar de Carracedo, a 2 de agosto, e que "o dito Joam Moram, xuíz comisario, tomou e rescibyo xuramento en forma de vida" doutras testemunhas, "Alonso Campo e Bartolo, fillo de Pedro da Vaqueriza e de Joam da Chana e de Andres e Lope de Campo e de Symon de Campo e de Rodrigo de Villanueva, vesynos do devandito logar de Carrazedelo, para ynformacion do devandito (...)", os cales dixeron "que non sabyan quyen avya posto o devandito lumbre (...)".

E depois foram-se ao lugar de Carracedelo, e de novo o juiz de comissom "tomo e rescibyo xuramento en forma debyda de dereito (...)" doutras testemuñas. Alonso de Santos, a pregunta do xuíz Joam Morán, dixo que viu dicir a un veciño de Cacabelos (folio 2v) "que andava a caçar un criado de frey Crisnaldo no Fabero e que andando a caçar se lle metyo unha lyebre nunha mata, e que estonces o devandito moço pusyera lume á dita mata, e que non sabya como se chamaba o devandito moço, pero que sabe que é fixo de Maria Barbeira, vesyna de Magas (...)"

Outra testemunha, chamado Pedro, declarou "que un cryado de frey Bernaldo, monge do mosteiro de Carrazedo, andaba a caçar xunto coa Vaqueryza e que se lle metyo unha lyebre nunha mata, e que o moço pusyera lume a mátaa para que salyese a lyebre (...)". Outra testemunha "dixo que viu disyr (...) que serya bo que pusyesen lume a un pedaço do toçejal que esta entre o devandito logar de Carrazedelo e a Vaqueryza que esta a do dysen lamiaja, encima por onde saen as vacas, e que llo oyo disyr o miercoles pasado que foron veynte e quatro dias de jullio, pero que non sabe quyen púxoo ny quyen non (...)".

A conta do visto, o juiz de comissom "mando a Diego çegarro, procurador do devandito logar (de Carrazedelo) que notyficase a Anton, vesyno do devandito logar de Carrazedelo, que mañá sabado fose á vila de Ponferrada e lebase ao seu fixo Lope consygo, e acudísense ante o (folio 3) dito señor corrigidor, so pena de dúas mill maravedis, para a Camara da Altesa (...)". Hai pois que apresentar-se de forma obrigatória ante o corrigidor ponferradino ante a ameaça de multa.

Já na vila de Ponferrada, a sete dias do mês de agosto de 1510, o corrigidor, Joam de Montalvo, a petiçom do procurador geral da devandita vila, "tomo e resçibyo xuramento en forma debyda de dereito de Alonso o negro, estando en Carrazedo e quando dun ano a esta parte dos abades do devandito mosteiro de Carrazedo servyendolos de cozynero, sobre rason do devandito lume que se puxo no devandito Fabeiro (...)". O devandito Alonso o negro foi perguntado polo corrigidor se conoscia aos presuntos autores do incendio, e respondeu que "viu que o devandito Joam servia ao devandito abbade de moço de espuelas e o devandito Fernando de Parada vyo que tambien servia na casa do devandito abbade, o qual é vasallo da dita abadya (...)".

O Berzo, Agosto 2007.