|
Luviám vibrou com a Mama Cabra |
|
|
|
Domingo, 30 de Decembro do 2007 |
CONCERTO DE «Mamá Cabra» PARA APOIAREM O GALEGO EM LUVIÁM
Voltado para aproximar aos miúdos músico em directa na sua própria língua
A Fundaçom Via Galego foi a responsável pola organizaçom onte, 29 de Dezembro, a partir das 12h30 (GMT +1), da actuaçom musical do grupo Mamá Cabra, a decorrer na Casa do Povo da Câmara Municipal de Luviám (Comarca de Seabra-Portelas), município de Samora.
A actuaçom musical foi aberta ao público e ia destinada fundamentalmente a oferecer aos miúdos dessa comarca, esmagadoramente galego-falante, a oportunidade de ouvirem ao vivo música em galego. Além disso, da Fundaçom Via Galego informam que presentearám com livros, filmes e discos em galego todas as crianças da comarca das Portelas que lá estiverem. O espectáculo de música para crianças dos Mamá Cabra alicerça-se nas tradiçonss musicais galegas. Em cada concerto as crianças som chamadas a participar de uma forma lúdica e pedagógica. Os Mamá Cabra tenhem actualmente quatro trabalhos publicados em que os CD som sempre acompanhados por um livro. A participaçom de público e o impacto que para todos tive a actuaçom, foi incrível. Som muitos os que na comarca da Seabra-Portelas pedem que esta iniciativa se repita e que actos assim se produzam com certa frequência. A língua nas Portelas Na Comarca das Portelas a língua galega tem um escasso reconhecimento no Estatuto de Autonomia de Castela e Leom, estando excluída como língua da administraçom, dos meios de comunicaçom e é mesmo perseguida ou dificultada na própria escola embora, como com temos denunciado desde Fala Ceive, últimamente há umha ligeira melhora neste campo com alguma introdução nas aulas. Da Fundaçom Via Galego acrescentam que entre os seus objectivos está apoiar as organizações e colectivos que trabalham pola normalizaçom do galego nas zonas onde se fala historicamente, embora fora das fronteiras da actual Comunidade Autónoma da Galiza, como é o caso da comarca de Seabra-Portelas, e denuncia que o estado espanhol está a incumprir de maneira flagrante tratados internacionais como a Carta Europeia das Línguas Regionais e Minoritárias. Fala Ceive, parabeniza e agradece a Fundaçom Via Galego, estas iniciativas e encoaja-os a que pouco apouco se vaiam acrescentando. |
