A Língua galega nos cenários de PonferradaPor Igor Lugris, membro de Fala Ceive Mais um ano, volta o ciclo de Teatro 'Lenguas a Escena', que organiza a Escola Oficial de Idiomas de Ponferrada, em colaboraçom com o Teatro Bergidum, de Ponferrada. Neste ciclo, encenam-se no Teatro obras nas diferentes línguas que podem ser cursadas na EOI, a um preço especial de só 3 euros a entrada. As representaçons som às 19.00h., agás a de língua galega, que tem lugar no horário habitual de representaçom, às 21.00h., dado que a direcçom do Teatro entende que é umha obra que pode ser vista sem nengum tipo de problemas, polo público habitual da sala.
O que nom se entende é que se realmente acredita em que isso é assim, e os factos demonstram com o público asistente que é assim, porque nesse nosso Teatro ponferradino nom há mais obras na nossa língua, também língua autóctone do Bierzo, ao longo do ano? Mas bom, isso de momento é outro cantar, ou contar. A questom é que, nesta ocassom, Teatro de Ningures (http://www.novaxove.com/es/culturanoticias/teatro-de-ningures-premio-max-al-teatro-en-gallego.html) chega com a sua obra 'Emigrados'. para terça-feira o 19 de Fevereiro, às 21.00h., poderemos ver em Ponferrada esta obra, na que as actrizes e os actores Casilda García, Sonia Rua, Mónica Camanho, Pepa Barreiro, Santiago Cortegoso, Fran Paredes e Salvador del Río, dam vida às reflexois de cinco autores/as sobre um fenómeno bem conhecido na Galiza do século XIX, na do século XX e também, por desgraza, na do século XXI: a emigraçom. Sobre textos de Cándido Pazó, Xosé Manuel Pazos, Suso de Toro, Anxos Sumai e Sonia Torre, Etelvino Vázques, dirige esta obra-mosaico. A escenografia esta desenhada por Pablo Giráldez 'Pastor' e o vestiario por Carlos Alonso. Anxo Graxa é autor da música e Etelvino Vázquez é também responsável da iluminaçom.Nom temos mais que recomendar a todas as pessoas do Bierzo a que asistam, e/ou que transmitam esta informaçom a todos os seus contactos. Para além de pasarmos umha noite agradável, é umha boa oportunidade para demostrar a vitalidade do movimento em defesa da língua, da nossa língua, da língua do Bierzo, em Ponferrada.
|
