A ASSOCIAÇOM EUNAVIEGA ABERTAL, DENUNCIA A MANIPULAÇOM DA REALIDADE LINGUÍSTICA EUNAVIEGA

A Asociación Cultural ABERTAL do Eu-Návia, presidida polo académico da RAG Carlos Varela, acaba de manifestar, através de comunicado de imprensa, o seu rejeitamento às continuas manifestações de um meio jornalístico asturiano e da associaçom Xeira, «por quererem manipular e tergiversar a situaçom lingüística do galego das Astúrias no Eu-Návia, pretendendo fazê-lo desaparecer».

De Abertal dizem que continuarám a promover o galego das Astúrias, a sua proteçom e a sua cooficialidade e dentro da busca de um convénio entre as comunidades das Astúrias e Galiza. Por outra, acrescentam, estarám atentos à política lingüística de Alberto Núñez Feijóo e pedirám-lhe os mesmos apoios que realizou Manuel Fraga no seu momento.

De Abertal rejeitam as acusaçons da associaçom Xeira, «verdadeiro monicreque da ALLA, de 'expansión e imposiçom' já que queiram ou nom o galego é uma língua das Astúrias e assim o reconhece toda a lingüística e nom uma pessoa que, com a sua desfaçatez se declara mesmo representante do pensar dos habitantes da Marinha».

Por último, de Abertal criticam e rejeitam que nas aulas de galego das Astúrias «só seja impartida a literatura e as ideias políticas de Xeira e sejam cometidas abundantes aberrações nas unidades didáticas de natureza e geografia», o que, anunciam, denunciarám ante as autoridades asturianas correspondentes.

Conferência de Carlos Varela Aenlhe na Corunha, sobre a situaçom do galego das Astúrias, e os problemas para que os direitos linguísticos estejam devidamente reconhecido 

Descarregar MP3 [11.2 MB | 1h 38 min]