Fala Ceibe leva repartidos miles de libros entre os colexios publicos e bibliotecas berzianas, esta foi unha das últimas.

FALA CEIVE DOA LIVROS Á BIBLIOTECA PÚBLICA E Á ESCOLA DE CINEMA DE PONFERRADA POR VALOR DE 1300 EUROS 

Na quarta-feira 24 de Novembro, a Associaçom Cultural Fala Ceive do Berzo, dentro da sua campanha de promoçom do livro galego e em galego entre as bibliotecas e centros de ensinanza da nossa comarca, realizou umha nova doaçom de livros, valorados em mais de 1300 euros.

Nesta ocassom foi umha dupla doaçom a realizada. Umha à Escola de Cinema de Ponferrada que recebeu livros relacionados com o cinema e o sector audiovisual. O lote de livros, composto por 20 volumes, está valorado em 300 euros.

A segunda doaçom, tivo como receitora a Biblioteca Pública de Ponferrada, onde se depositarom perto de 50 livros, de temática diversa, valorados em mais de 1000 euros. Seguindo com esta campanha, nas próximas semanas está previsto realizar novas doaçons à biblioteca da UNED (Universidade a Distáncia) de Ponferrada assim como à hemeroteca da Biblioteca Pública de Ponferrada, à que se lhe fará entrega de várias colecçons de diversas publicaçons periódicas escritas integramente em galego. Queremos lembrar que esta é a segunda entrega de livros realizada neste trimestre, depois da doaçom realizada à biblioteca pública da Veiga de Valcarce no mês de Outubro, valorada em mais de 2500 euros.

Fala Ceive quer por último agradecer publicamente a colaboraçom de todas as pessoas, organizaçons, instituiçons e colectivos que estam a participar nesta campanha, e que estam enviando livros a esta Associaçom para poder seguir adiante com esta actividade de achegamento do produto editorial galego aos berzianos e berzianas, que podem assim ter acceso à literatura em galego, língua própria do Berzo que entre tod@s devemos defender e promover. É por isto, que animamos aos concelhos e instituiçons públicas da comarca a que contemplem entre as suas prioridades a situaçom da língua galega no Berzo, colaborando para a sua boa saude.