A LITERATURA E OS LIVROS GALEGOS REPRESENTADOS NA XI FEIRA DO LIVRO DE PONFERRADA

Por segundo ano consecutivo, Xarmenta incluiu balcom galego no evento

O dia 23 de Abril, finalizava a XI Feira do Livro de Ponferrada, que decorreu na mais populosa vila do Berzo desde o passado dia 19.

Na ediçom deste ano houve até 20 balcões, e por segundo ano consecutivo, graças à associaçom Xarmenta houve um balcom específico para a língua e a literatura galegas, que dava especial destaque a mesma.

Desde a associaçom FALA CEIVE, felicitamo-nos e felicitamos aos amigos da associaçom irmã XARMENTA por esta iniciativa, pois eles e nós somos conscientes da importância de manter visível o nosso idioma num evento cultural de tanta importância, sobretudo quando nesta regiom, sob administraçom castelhana, o galego carece de qualquer protecçom ou promoçom efectivas, ao além de desclarações de boa vontade sem muita realidade prática.

No balcom de Xarmenta estivo também o ponferradino Luís Paradelo, quem na tarde do sábado assinou exemplares da sua novela Xelamonite. Já na tarde de onte, o cantautor e poeta Aínda apresentará o seu primeiro poemário, A cor das bágoas, e assinará exemplares entre as 18 e as 20h no espaço disponibilizado por Xarmenta.

Interessante também a iniciativa da autora Loli Prieto Rubio, quem entregará um poema original com cada livro que vender entre o passado domingo e esta segunda-feira.

FALA CEIVE, aguarda que no vindeio ano, nom so esteja presente o balcom de Xarmenta ou o de FALA CEIVE, senom que as editoras e livrarias galegas se animem a participar massivamente neste importante evento cultural.