O Colectivo Urbano Lugrís dirixe o convite á vosa presenza e o pedido de divulgación do acto que está a organizar para asinalar a Revolución do 25 de Abril. Iste ano optámos pola organización dunha obra teatral inédita, escrita propositadamente para o evento polo dramaturgo portugués Jorge Louraço Figueira, que abordará o espírito da Revolución nos nosos días e na sociedade galega, contando coa participación de actores portugueses e da Aula de Teatro da Universidade da Coruña. Unha obra irreverente e interactiva, que pretende suscitar a reflexión.
"Fisterra" terá unha única representación no día 30 de Abril (víspera de festivo), ás 21 horas, no Auditório do Fórum Metropolitano da Coruña, co prezo de entrada de 5 euros, que poden ser adquiridas na taquilla do Auditorio, na tenda "O Tabuleiro" (Rúa do Anxo 9, A Coruña) e en  e en http://www.servinova.com.

[Sonotone] Un tótem é un faro para os navegantes da terra. E Narf, como é máis coñecido o compostelán Fran Pérez, navegou. Abofé: A súa música, que se presenta por vez primeira ao vivo en Compostela, xa paseou por Cabo Verde, Mozambique, Brasil, Cuba, Inglaterra, Portugal… e de todos eses lugares foi recollendo influenzas sonoras, até dicir que TOTEM (falcatruada’07) cheira a flamenco, a bossa, a jazz... e a rock and roll. Nesta primeira actuación da xira de presentación de TOTEM, Fran Pérez (voz e guitarra) estará acompañado pola súa banda: Marcos Teira (guitarra e coros), Pepe Sendón (percusión e coros), Quiné (batería) e Zé Lima (contrabaixo).

[galizaindymedia] O vindeiro dia 24 de Abril, o Foro da Mocidade de Vigo convoca umha Greve local do ensino meio e universitario, assim coma umha manifestaçom prevista para ás 12:00, com saida da “Praça dos Cabalos”. O objectivo da greve é exigir o cumprimento do decreto 124/2007, referente ao emprego da nossa lingua nas aulas, coma um passo cara um ensino galego.

POR UM ENSINO GALEGO !!  24 TODAS E TODOS A RUA!!!

Esta versión é unha Beta polo que non se recomenda a súa instalación a usuarios sen experiencia xa que non é unha versión estable.

Hai xa unhas semanas falamos das futuras características do OpenOffice.org 3, aínda non están todas implementadas; pero van camiño de facelo e aínda quedan uns meses para a súa versión final...

[radiofusión]  A película Pradolongo está a reventar as taquillas nos cines de toda Galicia. Engaiola a adolescentes, xovenes e adultos. Leva ao cine a persoas que levaban moitos anos sen entrar nas salas. Tanto as zonas do interior como da costa síntense identificadas coa trama da película, co triángulo amoroso entre 1 rapaza e 2 rapaces, pero tamén coas peripecias dos seus pais e dos seus avós.

O director Ignacio Vilar e os actores Rubén Riós, Tamara Canosa e Roberto Porto visitaron esta mañá os estudos de Radiofusión. Amosáronse moi satisfeitos pola resposta da xente á peculiar promoción da película que están a realizar por entidades culturais, asociacións de veciños e centros educativos.