A Mocidade pola Normalización Lingüística anima a asistir aos pases do filme de animación Doraemon e o Dinosauro Pequeno, para “apoiar e fomentar as proxeccións en galego” ao mesmo tempo que se goza das aventuras do gato cósmico. A sección xuvenil da Mesa saúda o financiamento da dobraxe por parte de Política Lingüística, que chega logo das campañas sociais, mais considera “claramente insuficiente un filme en galego ao ano”.

Música, maxia e xogos reunirán en espazos públicos de Santiago, Vigo e A Coruña a bebés, cativos e grandes.

(Xornal.com) "A Festa dos Axóuxeres é a festa para celebrar o galego como lingua da casa”. Así definiu a secretaria xeral de Política Lingüística, Marisol López, a nova iniciativa posta en marcha polo seu departamento para promover a transmisión familiar da lingua galega. Santiago, Vigo e A Coruña acollerán a semana que vén esta festa, que vai poñer nos escenarios a música recompilada no disco Cantos de Arrolar, co que se está agasallando a todas as mulleres embarazadas dentro da campaña Xeración E logo!.

Plataforma cidadán cultura si mausoleo non. Pola eliminación do Proxecto da Cidade da Cultura e a reconversión das obras e edificacións rematadas en instalacións útiles para a sociedade galega. Pola depuración de responsabilidades penais ante o cúmulo de irregularidades desde o inicio do proxecto. Pola anulación dos orzamentos destinados ao Proxecto da Cidade da Cultura e a súa inversión en Sanidade,Educación e Servizos Sociais.

Movemento polos Dereitos Civís quere denunciar o incumprimento das obrigas dunha institución pública como é o Valedor do Pobo. O pasado 31 de xullo, o propio Benigno López facía unhas incomprensibéis declaracións a diversos medios nas que minusvaloraba gravemente o galego. Este feito fixo que máis de 90 persoas, a iniciativa do MpDC, enviaran as súas queixas ao propio Valedor, e polas que non obtiveron, case un mes despois, resposta algunha.

Os fillos e as fillas do cabo verde de Corrubedo facemos un chamamento desesperado para liberar a nosa costa das poutas das transnacionais fabricantes do peixe. Unha piscifactoría, fábrica de peixes ao cabo, de 308.000 metros cadrados en territorio virxe é o noso premio por conservar, o castigo a ese cabo do mundo ao que só chegan os salseiros do mar. Corrubedo é aínda Terra Liberada. É xusto que á nosa terra liberada, ao noso litoral incólume, veña agora o poder dunha empresa transnacional para exercer o castigo da destrución? Velaquí as verbas do país . 

O grupo "Distribuciones Froiz " presume da fidelidade dos clientes como un dos motores da sua posición no mercado. Queremos parabenizar a Froiz pola sua presenza nas novas tecnoloxías, nomeadamente polo seu servizo de venda dende a rede; mais ao tempo, reclamarlle que faga uso da lingua propia de Galiza, a lingua dunha importante parte dos seus clientes e clientas. A maiores, topónimos como Bayona, La Guardia, Mellid, Noya, Ordenes, Puenteareas, Puentecesures..., que atopamos no seu web, ofenden o noso orguio. Envialles un correo , lembrandolles o noso dereito a elixir ou cambiar de empresa.

Segundo informa GZnación entre o 24 e o 30 de agosto formalizarase a matrícula nos 23 centros que comezan a actividade neste curso escolar. Os nenos e nenas de entre 0 e 3 anos que aparezan nas listas definitivas de admitidos xa poden formalizar a súa matrícula nas Galescolas. Vinte dos vintetrés centros abren o prazo este venres 24 de agosto e péchano o martes 28. Son os de Boiro, Cambre, Campo Lameiro, Cerdedo, Coles, Covelo, Crecente, Fene, Fonsagrada, Oia, Ortigueira, Pantón, Pereiro de Aguiar, Portas, Rianxo, A Rúa, Taboada, Vilaboa, Vilamarín e Zas. Os outros tres centros (Xinzo de Limia, Poio e Ponteceso) comezarán o prazo o luns 27 e rematarán o 30.

Segundo informa InfoRosal durante os días 4 e 5 de setembro realizarase a primeira edición das Curtas Minhotas, en Vila Nova de Cerveira (Portugal) e en Tomiño (Galiza). As Curtas Minhotas son un evento cinematográfico onde serán proxectadas producións portuguesas e galegas ao ar libre. Esta iniciativa, portanto, nace e fundaméntase nun constructivo espíritu transfronteirizo.