LongaLingua, publicación galega sobre lingua e sociedade, editada pola Mesa pola Normalización Lingüística, faise eco de dous exemplos do menosprezo que, dunha banda a xudicatura, e doutra a administración, teñen cara nosa lingua. Son o caso dunha oposición do Hospital do Salnés no que non se ofreceu o texto en galego e o caso da anulación dunha oposición do Concello de Carballo por ser o exáme de galego eliminatorio.

A campaña de recollida de sinaturas individuais para respaldar a iniciativa da Asociación PuntoGal non deixa de medrar. Desde que se iniciou a campaña de procura de apoios individuais para PuntoGal, o 17 de xaneiro de 2007, son xa máis de 6.000 as persoas que coa súa sinatura apoian a reivindicación dun dominio propio para a lingua e a cultura galegas. En cinco meses, no rexistro de sinaturas individuais figuran 6.046 entradas o que significa unha chegada constante de apoios.

Varios artistas galegos danse cita este venres, día 8, no Teatro Principal de Santiago de Compostela, nunha festa de apoio á Rede de Acción Socio-Cultural Arredemo. A festa ten por obxectivo recadar fondos para o novo proxecto do Portal de Comunicación Arredemo, portal de información libre e independente ao servizo do tecido socio-cultural do país, e contará coa presenza de Quico Cadaval, Narf, Chévere, Clara Gayo, Pista Catro, Os da Ría, e Carlos Santiago.

Segunda paragem: Vigo, no CSA A Revolta, com a palestra "Estamos na Net" em que participarão Celso Alvarez Cáccamo, Jose Ramom Flores das Seixas e Vítor Lourenço.

Diante da decisión do xulgado de Ferrol de confirmar a prisión incondicional sen fianza do patrón maior da  confraría de  mariscadores de Ferrol, a Asociación Pola  Defensa da Ría manifesta a súa máis profunda solidariedade con Bernardo Bastida e esixe a súa inmediata posta en liberdade. O “delito” de Bastida é loitar, xunto con milleiros de cidadáns de  Ferrol, pola defensa dos recursos naturais da Ría de Ferrol e a seguridade da súa poboación.

Sen facer públicos os estudos dos arqueólogos no Circulo Lítico, sen estudar as tres mámoas que nestes dias serán derruidas, e sen termos constancia de se a Dirección Xeral de Patrimonio deu o visto bo, a CPTOPV decide arrasar hoxe [5/6/07] o alto da Necrópole, enclave crucial do patrimonio megalítico. SOS Mourela .

O domingo, día 10 de xuño, os responsabeis do phpBB3, popular sistema de foros (ver foros da CiberIrmandade ), van facer unha limpa de tódolos paquetes de idioma "sobrantes" do que hai agora como descárregas dispoñibeis no web oficial. A data límite para envia-la tradución completa é o domingo día 10 ás 12 do mediodía, e a nosa lingua ten que estar aí. Axúdanos. 

A Mesa pola Normalización Lingüística está a asesorar ao pobo mapuche na recuperación da súa lingua, o mapuzugun, presente nos estados chileno e arxentino. Froito desta colaboración, Celeste Carilao, do partido mapuche Wallmapuwen, está a visitar a Galiza desde o pasado 31 de maio e até mañá, recollendo toda a información posíbel sobre o caso galego.

Salvat-Bruño, a editorial responsábel da non publicación das aventuras de Astérix no noso idioma ten unha curiosa reacción ás campañas que tanto a Ciberirmandade como outros colectivos vimos facendo desde hai xa tempo: "Lo estamos estudiando. Muchas Gracias".

Nestes días retiramos as sindicacións que permitían aos visitantes da CiberIrmandade, ler os titulares doutros webs dende o noso. Durante as últimas semanas puidemos observar como o web da CIF ía excesivamente de vagar. Era algo habitual que o web tardase 30 segundos en comezar a cargar e, en demasiadas ocasións, ficaba baleira. 

Como se de umha manobra de ocupaçom (cultural) do exército romano sobre a pequena aldeia da Gali(z)a se tratasse, a editorial responsável da traduçom das histórias de Asterix e Obelix, Salvat-Bruño, nega-se a publicar umha versom da famosa banda desenhada na língua da Gali(z)a. Perante esta manobra do invasor, desde esta pequena naçom no confim do ciberespaço, povoada pol@s irredutíveis galeg@s, pensamos em duas opçons: