O pasado 21 de decembro naceu o xornal "De luns a venres", gratuíto e integramente en galego. É unha moi boa nova para o proceso de normalización da lingua galega, xa que contribúe a que se poida vivir en galego cun chisco máis de normalidade, nun entorno onde a presenza dos medios en castelán é abafante.

Desde a CiberIrmandade dámoslle a LV a máis sincera benvida e desexámoslle moitos éxitos nesta andaina. Así mesmo, convidámosvos a que lle fagades chegar os vosos parabéns.

Nestes dias creouse unha rolda de distribución na nosa lingua para a localización da Debian debian-l10n-galician en lists.debian.org. Trátase dunha lista de política aberta, de libre subscripción e arquivo público. O seu propósito é afortalar o soporte da distro no noso idioma promovendo a consolidación da comunidade Debian galega.

Dende a CiberIrmandade queremos parabenizar ao promotor e a xente que colaborou no envío de pregos para solicitar a creación da lista. Este é o xeito de acadar un novo status pra nosa lingua na rede global. Un xeito no que un grupo de vinte persoas organizados e mediante o envío de emails pode xurdir unha nova vía de existencia para o galego.

Quen desexe subscribirse pode facelo por si proprio/a dende esta ligazón.

O BNG reclámalle aos políticos do país que empreguen a forma galego dos seus nomes e apelidos

Dar exemplo sobre a necesidade de recuperar as formas propias dos nomes e apelidos galegos. Esta é a idea coa que o Bloque Nacionalista Galego presentaba onte no Parlamento unha Proposición non de Lei na que lle solicita á Xunta a posta en marcha dunha campaña que anime a políticos e persoeiros públicos a galeguizar os seus nome e apelidos.

Desde a CiberIrmandade convidámosvos a dar tamén ese paso e recuperar os apelidos que levaron desde sempre as nosas familias antes de ser deturpados, así como os nomes galegos. Nesta nova incluímos unha pequena escolma da lexislación e as indicacións de como facelo.

Nos pasados dias sairon novas versións para phpBB (2.0.22) e Joomla (1.0.12). E con elo, houbo que incorporar algunha variabel nova aos paquetes de idioma galego. Estes están dispoñibeis dende a zona de descargas da CiberIrmandade. Ir a phpBB-galego (paquete oficial). Ir a Joomla-galego (versión informal).

Informamos de que engadimos un novo traballo de tradución á nosa lingua, a parte de administración do Mod Anti Bot Question para o sistema de foros phpBB. Actualmente están en marcha, xunto co anterior, o sistema de foros phpBB3, e o xestor de contidos Joomla! 1.5.

Para participar, abonda con que accedas ao traduCIF , e traduzas as liñas que consideres. E se es validador, non esquezas revisar o traducido e darlle a tua aprobación. Precisamos axuda; contacta connosco . 

Malleira de campionato ao galego no cinema. Si, os galegos e galegas que queiramos ver esta película no noso idioma saímos perdendo. Tan só catro das fitas que se proxectarán en Galiza serán en galego. O resto, até 20, en castelán. Fica así o galego, unha vez máis, como algo marxinal, algo reservado para os "obxectores de consciencia", como di a Mesa pola Normalización Lingüística no seu comunicado de denuncia. Calquera que consulte a carteleira, por exemplo, na páxina da Compañía de Radio Televisión de Galicia non conseguirá saber que existe a posibilidade de ver este filme en galego. O mesmo acontece a través da web do Cluster Audiovisual Galego.

Unha vez realizada a dobraxe ao galego a Xunta de Galiza debería asegurar a maior distribución posíbel, maximizando así a repercusión dese investimento. Permitir que unha das pouquísimas películas que se poden ver en galego ao longo de todo o ano fique como algo residual é un desleixo inaceptábel. Desde a Ciberirmandade da Fala convidámosvos aos que acudades ao cinema a que solicitedes información sobre a posibilidade de ver "Pérez, o rato dos teus soños" en galego.

A nova operadora de telefonía móbil Yoigo ignora o galego, mentres ofrece distintos servizos en castelán, inglés, catalán ou euskara. Faille  chegar a túa opinión.

A telefonía móbil é xa un servizo totalmente integrado na vida cotiá da cidadanía galega. Aos poucos o oligopolio destes primeiros anos vaise abrindo, coa aparición de empresas que compiten polo seu nicho, buscando ofrecer productos e servizos cada vez máis acaídos ás demandas dos usuarios. Neste intento de achegamento aos requirimentos da cidadanía, o uso das linguas propias de cada territorio semella unha necesidade evidente. Mais algunhas compañías de telefonía móbil non son conscientes desta demanda, nin teñen a mesma sensibilidade con todos os cidadáns e cidadás do estado español.

Comunicamos aos integrantes da Asociación Cultural Galega Ciberirmandade da Fala, que xa está aberta a conta corrente para para ingresar a cota, establecida en 15 €/ano, que nos permita facer fronte aos gastos de funcionamento (nomeadamente, o pagamento da hospedaxe). Aproveitamos esta información para convidarvos a todos e a todas a participar na asociación e/ou facer doazóns económicas para o sostemento desta organización decana.

A Consellaría de Educación vai presentar no Parlamento unha proposta de decreto para regular o uso do galego no ensino non universitario. O borrador que se está a manexar aumenta o mínimo desde o 33% que figuraba no decreto 247/1995 (que nunca chegou a  cumprirse) ata un 56-68% nos distintos tramos educativos. E, o que é máis importante, contémplase que a aprendizaxe da lectoescrita sexa integramente no noso idioma.

A CiberIrmandade da Fala valora positivamente esta proposta de novo decreto, agardando que non fique en auga de castañas como o anterior, e que se forneza os centros dos medios necesarios para unha correcta aplicación, así como que se aseguren as inspeccións pertinentes.

Nestas datas dentro da internet galega non paran de xurdir novas campanhas e iniciativas pra defensa da nosa língua. Unha destas novas campanhas é a promovida dende o blog Nem tele, nem gaitas . Como ben explica Nemtele, esta campanha pretende acadar que a canle de televisión da empresa galega R comeze a emitir a nova canle internacional en lingua portuguesa CLP TV. Participa nesta campanha enviando un correo a R [..]