[A Nosa Terra ] Unha nova páxina web achegará a información erótica aos internautas na lingua do país. Mundoquente.com é o primeiro portal erótico feito en Galiza e en galego. Abordará cuestións como a sexualidade ou a moda e conta con apartados especiais para os homosexuais e o erotismo. Os promotores da páxina indican que “as informacións publicadas en www.mundoquente.com teñen a súa orixe en portais, blogues e xornais galegos, portugueses, brasileiros e españois, pero tamén dos EE UU, Francia, México, Arxentina, Italia ou Reino Unido, entre outros·. “Unha das pezas fundamentais deste novo proxecto na rede será a participación dos lectores” indican dende o novo portal. Por iso, prevén a apertura de canles especiais –incluídos contactos– para “facilitar a interactividade entre os internautas”.

[InfoRosal]  O xornal dixital do Baixo Miño, InfoRosal, dinamizado polo ciberirmandiño ghalleiras bota o peche con discreción en pleno éxito de visitas. Esta nova, entristécenos neste borrallento día de maio:

"O mes pasado celebramos o terceiro aniversario deste medio virtual de información da comarca do Baixo Miño. Miles de noticias colgadas, reportaxes, dossiers, colaboracións....

Pero todo ten un principio e un fin, e hoxe InfoRosal.com pon fin a súa andaina, nun momento doce en canto a número de visitas, mais por diversas razóns que non ven a conto enumerar aqui, fechamos."

Grazas a todos e todas que día tras día estiveches aí.  

Non hai correspondencia entre o número de persoas que utilizan o galego no seu día a día e a presenza deste idioma nos diferentes ámbitos: medios de comunicación, ensino, xustiza, comercio etc. Esta contundente exclusión da lingua de Galiza, por secular e abafante, está interiorizada como natural. Denunciar esta situación e pórlle remedio son os dous eixos da manifestación convocada para o próximo 18 de maio.

A posibilidade de equilibrar minimamente a balanza, garantindo o dereito a comunicarse en galego alí onde se exclúe, é descrito polos sectores máis inmobilistas da sociedade como “imposición”. Trátase dunha mentira, dun discurso cínico e irracional, aínda que reiterado mil veces e desde lugares de inmenso poder. Así, o oprimido na realidade faise ver como opresor.

Galiza, 14 de maio de 2008.- No día de hoxe ven de apresentarse publicamente a Rede de Blogueiras/os en defensa do Galego. O colectivo baixo a denominación de “Blogues pola lingua” (BpL) está impulsado por un grupo promotor formado por seis autoras/es de blogues galegos.

O colectivo nace coa intención de defender e promover a lingua galega dende e na Rede, aproveitando as potencialidades da web 2.0 na que os blogues ocupan un papel destacado.

“O nacemento de Blogues pola Lingua é un novo paso na liña do compromiso que ten o blogomillo co noso idioma” sinalan dende a comisión promotora. “Nun momento no que os ataques cara o galego non se disimulan, pensamos que era o intre de dar un paso adiante na defensa do idioma” recalcan.

XORNAL.COM I Caixa Galicia, a raíz dun proxecto de desenvolvemento propio, vén de implantar na súa Banca Telefónica unha nova tecnoloxía baseada no recoñecemento de voz de linguaxe natural para a realización de consultas e operacións de maneira automatizada por parte dos seus clientes.

A Banca Telefónica de Caixa Galicia articúlase a través da tarxeta Caixa Activa e lánzase no ano 1998. Na actualidade conta con máis de 100.000 usuarios que realizan mensualmente unha media de 400.000 operacións e consultas o que supón, xunto ao servizo de banca electrónica, máis do 25% do total das transaccións de clientes da Entidade galega. Arredor do 15% das chamadas recibidas na súa banca telefónica realízanse en galego. 

Informamos de que dende a zona de descargas da CiberIrmandade podes descargar o paquete coa tradución ao galego para a o Panel de Control (administración) do Joomla! 1.5.2 A tradución está baseada no traballo feito por voluntarios e voluntarias no TraduCIF na web de (ciberirmadade.org), coordinado por Daniel Muñiz de Trasno . Esta é a primeira vez que, grazas a este paquete, podemos dispor do panel de control totalmente en galego. E aprobeitamos para animar a completar a tradución do WinMergue que está no TraduCIF .

Tanto A Mesa Pola Normalización Linguísitca como a  AGAL (Associaçom Galega da Língua), venhem de publicar sendos manifestos em defessa da lingua de Galiza e dos nossos direitos linguísticos individuais e colectivos e convocando as súas bases sociais á manifestaçom que terá lugar o día 18 de maio ás 12:00 na Alameda de Compostela.

O manifesto feito público pola Mesa leva por título;  "POLO DEREITO A VIVIRMOS EN GALEGO" e pode ser assinado por entidades, colectivos, associaçons e organizaçons a través da página web desta da Mesa, www.amesanl.org.

O manifesto publicado pola AGAL leva por título;  "A NOSSA LÍNGUA É INTERNACIONAL" consta de seis pontos e pode ser assinado por colectivos e pessoas a título individual a través do Portal Galego da Língua, www.galego-portugues.net

Desde a Ciberirmandade queremos animar a toda gente sensível coa nossa língua a manifestarse o vindeiro día 18 e a assinar ambos manifestos que ficam expostos a continuaçom.

[elpais] A Cope recibiu 20.000 euros en 2005 e 2007 por "alentar a defensa e a identidade de Galicia, a promoción dos seus valores e a normalización da lingua". Este ano, porén, a cadea denunciou á maxistrada Ana López-Suevos por ditar unha sentenza en galego "o un dialecto distinto del castellano". A sentenza tiráballes a razón polo despido nulo da xornalista da emisora Isabel Quintairos.A Xunta non  tomará medidas en relación ás axudas que proporcionou a esta cadea para fomentar o uso do galego. Así deuno a entender onte co seu silencio o secretario de Presidencia, Santiago Roura, ante a pregunta do parlamentario Bieito Loberia.