O mundo empresarial é un dos eidos nos que tradicionalmente houbo máis reticencias para unha incorporación normal do galego. Movidas por prexuízos culturais foron demasiadas as empresas que, malia estar totalmente galeguizadas no seu desenvolvemento interno, vendían os seus produtos ou ofrecían os seus servizos en idioma alleo.

Pero xa desde principios dos anos oitenta houbo importantes empresas que optaron por incorporar con normalidade o uso do galego, sendo hoxe en día cada vez máis habitual a presenza da lingua propia de Galiza no eido empresarial. Segue a ler .

Informamos que na noite do 6 ao 7 de xaneiro, os foros da CiberIrmandade van ser parados para efectuar a conversión do actual phpBB2 a phpBB3. Agardamos que a parada dure menos dunha hora. Durante ese tempo, os foros estarán inoperativos.

Voluntari@s da Ciberirmandade veñen de rematar a tradución ao galego dos foros Fireboard na súa versión 1.0.4. Esta tradución é un novo e importante paso na adaptación ao galego de programas básicos para o desenvolvemento de webs sociais baseadas en software ceibe como Joomla! e Mambo. Agradecemos á comunidade internauta a súa desinteresada colaboración neste importante traballo. Tedes o ficheiro de lingua á vosa disposición nesta ligazón .

Grazas a todos-as.

Un ano máis, a CiberIrmandade necesita colaboración económica para pagar a hospedaxe e, como fixemos sempre, solicitamos aportacións voluntarias por subscripción popular, xa que non queremos inserir publicidade nen solicitar subvencións. Como queremos as contas claras, todos os ingresos e gastos facémolos públicos na web. Se queres colaborar, segue a ler . 

Lévase moito tempo falando do textil galego pero nos temos fortes dúbidas de que isto sexa certo. Unha das empresas líderes neste sector é Adolfo Dominguez e non emprega o galego no seu web e tempouco nas súas tendas. Queremos unha industria galega, respectuosa coa nossa cultura e cós clientes deste país que desexamos poder consultar e ser atendidos na nosa língua, con normalidade e en calqueira eido, na internet e nas tendas. A CiberIrmandade solicita a tua colaboración nesta nova campaña a prol do emprego da nosa lingüa na rede de redes. Colabora enviando un email dende esta ligazón .

O 13 de decembro lanzouse a versión definitiva do phpBB3, o mellor, ou un dos mellores sistema de foros. E a lingua de Galiza, a nosa lingua, está dispoñíbel para a sua descarga dende o primeiro día.

A tradución do phpBB3 foi froito da colaboración de todas as persoas que quixeron aportar algo do seu tempo ao traduCIF, o sistema de tradución en liña da CiberIrmandade da Fala. Grazas por participar.

A ciberIrmandade comeza un novo proxecto de traduzón de software co que  queremos agasalhar este Nadal a nosa cultura cunha nova ferramenta na nosa lingua. O Fireboard é un compoñente do Joomla que permite integrar un Foro dentro da páxina web dun xeito doado é sinxelo. Cada día a presenza de webs feitas con Joomla é máis forte na Rede Galega polo que necesitamos traducir novas ferramentas.

Colabora neste proxecto ! Soamente son 800 liñas de código e entre todos e todas non ha de ser moito traballo. Algunhas das caracteristicas do FireBoard son as seguintes:

Que acontece na Marinha coa sua língua?. "Foz dispone de mar, playa, patrimonio histórico, monte, naturaleza, fiestas, ferias, instalaciones deportivas, actividades lúdicas y todo el ambiente nocturno de la costa de Lugo". E a língua propia? No web institucional do concello de Foz, non aparece. Dezanove anos despois da promulgazón da Lei de Normalizazón Lingüística, o concello segue sen dar satisfación ás suas obrigas legais. Convidámoste a que lles achegues un correo no que lembrarlles que a lei hai que cumprila .

A CiberIrmandade está fachendosa de informar do compromiso de galeguización do web de Blusens, o noso obxectivo dende o 1 de outubro. O día 10 de outubro, os e as participantes na campaña recibimos correo de Blusens no que, a maiores de dar as grazas polo interese na súa empresa e web e lembrar algúns produtos con menú de configuración en galego, informaban de que teñen proxectados cambios no web, contemplando versión dos contidos na nosa lingua. Con esta información, suspendemos a campaña, agardando que o compromiso sexa real axiña, e agradecendo a todos e todas a participación.

Informamos da reorganización dos foros da CiberIrmandade da Fala. Dende agora, os foros das categorías "Galiza" e "Informática" posibilitan a escritura a usuarios non rexistrados; tan so mantemos o requisito de identificación previa nos da categoría "CiberIrmandade". Nos primeiros tempos dos foros, estes estaban abertos á escritura de visitantes; mais co paso do tempo comezaron os robots a meter lixo, o que nos levou a pechar a escritura. Mais hoxe en día temos solucionado ese problema, razón pola que reabrimos os foros a visitantes non rexistrados.