Malleira de campionato ao galego no cinema. Si, os galegos e galegas que queiramos ver esta película no noso idioma saímos perdendo. Tan só catro das fitas que se proxectarán en Galiza serán en galego. O resto, até 20, en castelán. Fica así o galego, unha vez máis, como algo marxinal, algo reservado para os "obxectores de consciencia", como di a Mesa pola Normalización Lingüística no seu comunicado de denuncia. Calquera que consulte a carteleira, por exemplo, na páxina da Compañía de Radio Televisión de Galicia non conseguirá saber que existe a posibilidade de ver este filme en galego. O mesmo acontece a través da web do Cluster Audiovisual Galego.

Unha vez realizada a dobraxe ao galego a Xunta de Galiza debería asegurar a maior distribución posíbel, maximizando así a repercusión dese investimento. Permitir que unha das pouquísimas películas que se poden ver en galego ao longo de todo o ano fique como algo residual é un desleixo inaceptábel. Desde a Ciberirmandade da Fala convidámosvos aos que acudades ao cinema a que solicitedes información sobre a posibilidade de ver "Pérez, o rato dos teus soños" en galego.

A nova operadora de telefonía móbil Yoigo ignora o galego, mentres ofrece distintos servizos en castelán, inglés, catalán ou euskara. Faille  chegar a túa opinión.

A telefonía móbil é xa un servizo totalmente integrado na vida cotiá da cidadanía galega. Aos poucos o oligopolio destes primeiros anos vaise abrindo, coa aparición de empresas que compiten polo seu nicho, buscando ofrecer productos e servizos cada vez máis acaídos ás demandas dos usuarios. Neste intento de achegamento aos requirimentos da cidadanía, o uso das linguas propias de cada territorio semella unha necesidade evidente. Mais algunhas compañías de telefonía móbil non son conscientes desta demanda, nin teñen a mesma sensibilidade con todos os cidadáns e cidadás do estado español.

Comunicamos aos integrantes da Asociación Cultural Galega Ciberirmandade da Fala, que xa está aberta a conta corrente para para ingresar a cota, establecida en 15 €/ano, que nos permita facer fronte aos gastos de funcionamento (nomeadamente, o pagamento da hospedaxe). Aproveitamos esta información para convidarvos a todos e a todas a participar na asociación e/ou facer doazóns económicas para o sostemento desta organización decana.

A Mesa pola Normalización Lingüística e máis a Dirección Xeral de Xuventude e Solidariedade presentaron estes días o Voluntariado de Acción Lingüística. Desde a CiberIrmandade queremos facernos eco desta iniciativa e convidarvos a participar nela.

O VAL ten por obxectivos o perfeccionamento da competencia oral en galego, relacionar lingua e cultura de forma práctica e divertida, fomentar a valoración do galego como lingua de uso e como expresión cultural. O funcionamento é sinxelo. As persoas que forman parte do programa asígnaselles unha parella lingüística e as dúas comprométense a relacionarse un mínimo de 20 sesións dunha hora, co compromiso de procurar falar en galego. A persoa voluntaria encargarase de guiar á persoa activa no maior coñecemento da cultura e da lingua galegas. Se queres participar podes facelos desde o web www.valingua.org ou no teléfono do voluntariado 900 400 800.

Procurando traballo, son milleiras as persoas que preparan oposicións a un posto nas administracións públicas, moitas delas utilizando os servizos de academias de estudos.

Os opositores e opositoras casi unanimemente dispoñen do título de galego, polo que non terán que demostrar o coñecemento real do idioma. Non podemos aceptar que as persoas que no futuro tratarán cos administrados/as, non teñan o mais mínimo contacto coa lingua propia da Galiza.

Cefiasa, pertencente ao grupo Adams, son un grupo de academias con presenza na Coruña, Ferrol, Ourense, Compostela e Vigo, que dispoñen dun web permanentemente actualizado, uns foros con 30 mil mensaxes nun ano, venda de material, e inclusive clases virtuais utilizando a rede.

Todo, absolutamente todo no web de Cefiasa está en lingua allea. Convidamosche a que envies un correo a este grupo de academias pregandolles que faciliten versión galega na rede. Convidamosche tamén a que espalles esta campaña, a fin de sumar o maior número posibel de correos electrónicos. Podes enviar o teu correo dende eiquí e agora .

Na zona de descargas do web da CiberIrmandade, está dispoñibel a tradución galega do DokuWiki.  Este é un wiki escrito en php, cunha sintaxe simple pero compreta. Armacena a información en arquivos de texto, sen necesidade de banco de dados. Se queres ver unha demostración, non tes mais que ir ao dokuCIF

Despois de varios meses de debate e renovación da estructutra organizativa a CIF quere presentar un novo xeito de colaborar coa defensa da lingua na rede mediante unha aportación económica.

O noso obxetivo non é nos facer ricos senon pagarmos os dominios e hospedaxes na rede, gastos de constitución en Asociación non lucrativa, ademáis de tentar xerar suficientes recursos como pra imprimer cartaces, autocolantes e máis parafernalia pra repartir entre asociacións, centros sociais e outros colectivos se for posible.

Se queres coñecer máis visita esta ligazón .

Mancomun ten en marcha a tradución do Firefox, e solicita colaboración. O traballo dos voluntarios que se rexistraron na ferramenta de tradución colaborativa Entrans conseguiu que tan só queden por traducir un 23% das cadeas da nova versión do navegador web Firefox 2.0. Mancomun precisa de axuda para ter o antes posible esta valiosa ferramenta no noso idioma.

Lembramos que no traduCIF tamén precisamos colaboración para rematar as traducións de phpBB-3 e Joomla!-1.5.

Xa esta no traduCIF a primeira parte da tradución do Joomla 1.5 (o frontend do xestor de contidos empregado no noso web), para que a comunidade colabore neste traballo. Para rematar este proxecto de tradución necesitamos participación, liña a liña, e así poñernos axiña coa parte de Administración e Instalación desta estupenda ferramenta.

O traduCIF é unha ferramenta de tradución on-line que a CiberIrmandade ofrece para traballos de localización linguística galega, e neste caso, a proposta de colaboración chega dende Dimensiona Consultoría Tecnolóxica e Reverso Servizos Lingüísticos, quenes xa achegan o 40% das cadeas traducidas. Dimensiona e Reverso darán soporte a esta tradución dende o punto de vista técnico e de revisión lingüística.

Os camiños de ferro percorren galiza, pero so parcialmente coa nosa lingua. Queremos que RENFE corrixa algunhas deficiencias linguisticas, mentres que ADIF (Administrador de Infraestructuras), incorpore a nosa lingua no seu web e megafonía.

RENFE ten páxina web parcialmente en galego, pois os contidos de documentación da empresa, organigrama, memoria, historia.. so poden ser lidos en español. Ao tempo, é habitual o uso de topónimos deturpados, como "Orense", "Arosa", "Viana del Bollo", "Ujes", "Puentecesures", "Ordenes"...e un longo etc. de despropositos que deberian ser corrixidos.

ADIF non ofrece versión galega no seu web, e aprobeitando o envio de correos, queremos aprobeitar para solicitarlles que fagan uso da nosa lingua na megafonía.

Se consideras que os camiños de ferro deberían facer uso da nosa lingua, convidamosche a participar nesta campaña, consistente no envio de correos electrónicos nominais a RENFE e ADIF.