PRAZA DAS LETRAS - O cómic de Art Spiegelman estará nas librarías o 13 de xuño. Ademais, Faktoría K publica “Os cinco narradores de Bagdad”, dos franceses Frantz Duchateau e Fabien Vehlmann. A editorial mallorquina Inrevés saca ao mercado o próximo 13 de xuño o cómic Maus traducido ao galego por Diego García. Esta novela gráfica está considerada unha obra imprescindíbel polos adeptos do cómic. A mesma editora foi a encargada da versión catalá de Maus.

Maus é unha autobiografía na que Art Spiegelman relata a historia do seu pai Vladek, un sobrevivente de Auschwitz. Realiza tamén un retrato do seu pai na actualidade, no momento en que o entrevista para que lle transmita as súas lembranzas da guerra, e da súa tensa relación con el.

A NOSA TERRA - Manuel Vilas - A primeira voz electrónica de galego da Historia valeu 660.000 euros e chámase Carmela. Trátase dun sintetizador quen de ler fluída e correctamente calquera texto na lingua do país. Caixa Galicia acaba de incorporalo á súa banca telefónica.

anosaterra "Entregara un curriculum vitae e acudín a unha entrevista. A condición sine qua non era que falase co director e os compañeiros da recepción en español e nunca en galego. Considereino unha humillación e non aceptei o posto".  Nunha entrevista de traballo prohibíronlle falar en galego cos compañeiros. Pretendía ser recepcionista de hotel e fala sete idiomas. Tamén di que aos camareiros e persoal de limpeza non lles prohiben falar galego entre eles. Isto segue a acontecer na Galiza do ano 2007 onde seica din algúns, o galego é un idioma imposto.

Ante a denúncia interposta por "Galicia Bilingue" contra a Assembleia da Mocidade independentista (AMI) pola ediçom da curta de desenhos animados "Vilinguismo", a nossa organizaçom quer manifestar:

- Que este filme, elaborado pola AMI no quadro dumha campanha de denúncia da desapariçom do nosso idioma e das responsabilidades que se encontram detrás deste processo, está a ser difundido desde o passado 17 de Maio pola internet e polos centros de ensino da Galiza, com o objectivo de provocar entre a mocidade galega umha reflexom sobre a realidade lingüística do nosso país. Trata-se dumha curta de ficçom e aventuras (pode-se visionar em www.gzvideos.info/vilinguismo ) que, através dumha metáfora, expom o que está a acontecer na nossa sociedade: por meio de discursos liberais como o do bilinguismo, e dumha política que obriga a conhecer o espanhol enquanto fai o galego completamente prescindível, o primeiro está a ser imposto e o segundo encontra-se num gravíssimo processo de desapariçom.

VIEIROS - A Federación Galega de Baloncesto e Política Lingüística asinaron un acordo para levar a nosa lingua ás canchas. A Xunta de Galicia, a través da Secretaría Xeral de Política Lingüística, asinou esta cuarta feira un acordo coa Federación Galega de Baloncesto (Fegaba) para promover actuacións de normalización da lingua galega nas canchas e nos clubes.

Contar unha historia. Escoitar unha historia. Velaquí dúas maneiras de gozar a través da palabra. A narración oral é sempre un acto no que se mesturan pracer e xenerosidade. Porque, para que xorda a emoción, quen conta debe poñer a súa arte e sabedoría ao servizo do auditorio, e quen escoita deberá entregarse sen reservas.

Se así sucede, todos, todas, narradores e oíntes, acadarán igual sentimento de gozo mentres a narración discorre. E cal é a natureza profunda dese pracer? Quen sabe, tal vez resida na intuición de que se está a asistir a un momento irrepetible: por máis que a historia volva ser contada xa non será a mesma, como o río aquel.

O motivo da interposiçom da denúncia é o vídeo ‘Vilingüísmo’ onde se narra a luita dum fato de jovens galeg@s para defender a língua do País, parar o linguicídio e avançar face umha sociedade galega monolíngüe.