A partir de agora os mozos galegos que queiran estudar Ciencias Políticas, terán que marchar fóra do noso país. O novo plano aprobado estes dias na facultade de Ciencias Políticas e Sociais da USC, elimina a denominación de Ciencias Políticas do futuro plan de estudos e opta por: "Grao en Xestión Pública" (nome de titulación existente en Pontevedra). Co cal, non só se deixan de ofertar un tipo de estudos, que tiñan bastante demanda, senón que de duplica outra titulación. Este grao adaptado a Boloña, comezará a se impartir no vindeiro curso 2008-2009 de xeito experimental.

Premio OSÍXENO á millor actuación/actitude ambiental do 2007:
    -Categoría colectivo: Plataformas contra o Plano Acuícola.
    -Categoría individual: ao profesor, Xoán Ramón Vidal Romaní.
Premio DIOXINA á actitude ou actuación máis agresiva e insustentábel:
    -Categoría colectivo: ao grupo de empresas Villar Mir.
    -Categoría individual: ao alcalde de Cervo, Alfonso Villares Bermúdez.

O pasado luns día 10 de decembro, a CIG-Ensino e o Movemento polos Dereitos Civís conmemoraron o día dos Dereitos Humanos presentando unha Unidade Didáctica sobre os dereitos das persoas. Este material educativo será enviado a todos os centros de ensino secundario de Galiza. Ao acto asistiron o secretario nacional da CIG-Ensino, Anxo Louzao, o voceiro do MpDC, Renato Núñez, e o autor da Unidade Didáctica, Xoán Carlos Garrido.

O material educativo será enviado a todos os centros de ensino secundario de Galiza. 

A Dirección Xeral de Xustiza esta a distribuir textos legais en castelán nos órganos xudiciais galegos. Ademais, a empresa editora dos libros é foránea, de Valencia. No anterior goberno, os textos que se repartian nos Xulgados galegos, ademais de editados pola propia Xunta de Galiza, estaban en galego.

A nova completa en InfoRosal.com 

[diarioibérico] O comisario de multilingüismo da Unión Europea, Leonard Orban, valorou como "moi interesante" a súa primeira visita oficial en Catalunya, para coñecer de primeira man o que cualificou de "algunhas boas prácticas no campo do multilingüismo". Algunhas destas experiencias servirán por enriquecer a nova estratexia de multilingüismo que a Comisión está preparando para o ano 2008. Sobre a situación sociolingüística de Catalunya, o comisario referiuse os comentarios que algúns membros da comunidade rumana de Catalunya  lle fixéron durante esta visita. Así, declarou que "é sorprendente a facilidade con que os cidadáns de Catalunya poden cambiar dunha lingua á outra", definindo a situación como de "bilingüismo, sen problemas nin tensións, que tende cara a multilingüismo".

[farodevigo] O Tribunal Superior de Xustiza de Galicia cre que o decreto do galego no ensino respecta o dereito á liberdade e a igualdade recoñecidos na Constitución e non supón unha discriminación por razón de lingua. Esta é a resposta que os maxistrados da sala do Contencioso-Administrativo do alto tribunal galego deron a unha asociación minoritaria e a un particular de Vigo que pediu que o seu fillo recibise todas as clases en castelán. A sala do TSXG argumenta que o principio de cooficialidad que recoñece a Constitución Española  non é un dereito fundamental e recorda que o dereito á educación, que si o é, non implica que o ensino deba ser impartido  nun ou outro dos idiomas oficiais. O argumento do tribunal galego non é novo, xa que a propia sentenza precisa que, no caso do catalán, o Tribunal xa fallou no ano 1994 que o uso da lingua propia da comunidade como a normal dentro da Administración educativa está dentro de "os parámetros constitucionais".

 O Consello de Ministros aprobou o pasado 16 de novembro os novos Plan Xeral de Contabilidade e o Plan Xeral de Contabilidade para pequenas e medianas empresas, que entrarán en vigor o un de xaneiro de 2008.  Mentres agardamos unha máis que improbable tradución ao galego de ditos plans (polo menos por parte das Administracións Públicas), a CiberIrmandade pon ao dispor de quen o desexe o Cadro de Contas do novo Plan Xeral de Contabilidade 2007 traducido ao galego (RAG) por Xoán Castro García coa axuda de Traducíndote (baseado en  Opentrad).