A Comisión pola Verdade do 36 organiza en Goián (Tomiño) as Xornadas “O Miño, unha corrente de memoria” que tratarán sobre as relacións entre as poboacións da raia no 36. Serán inauguradas hoxe 19 de outubro, pola Delegada da Consellaría de Cultura e a Alcaldesa de Tomiño. Haberá varias mesas redondas onde participarán algúns dos protagonistas da época, ademais da proxección de varios documentais, como  "O campo de concentración de Camposancos", de Xosé Ballesta, "A derradeira lección do mestre", dirixido por Xoán Carlos Garrido ou "Os traballadores do contrabando", de Victor Abundancia entre outros. Pódese ver todo o programa das Xornadas en InfoRosal.com

Logo das peticións dos seguidores da famosa serie "Heroes ", que ven de emitir a TVG este verán, Universal Pictures Iberia lanza o mércores 17 de Outubro a Primeira Tempada Completa da serie co son opcional en galego. Trátase da primeira vez que unha "major" americana fai expreso o seu respecto pola lingua Galega, e edita e distribúe una serie ou película con pistas de son na nosa língua. Logo do tempo que houbo que agardar para este fito, e das dificultades achadas polo camiño, desexamos que os seguidores da serie e o público galego en xeral fagan deste lanzamento pioneiro un éxito que lle dea pulo á empresa americana para voltar a inverter diñeiro na difusión da lingua galega, e o seu respecto; e así animar a outras empresas estatais ou estranxeiras a ir erguendo o tecido audiovisual de consumo en lingua galega, tan importante para nós.

A Mesa pola Normalización Lingüística analiza “con suma preocupación” as estatísticas publicadas recentemente sobre a lingua inicial en Galiza, que sinalan que o galego pasou de ser o primeiro idioma dun 60,3% dos galegos en 1992 a ocupar a posición minoritaria, do 20,6%, no ano 2004. A situación nas cidades é especialmente grave. Por exemplo, só ao 1,6% dos ferroláns e ao 4,3% dos vigueses lle falaron seus pais en galego. 

[GZnación ] A abstención do PSOE impediu onte a aprobación dunha proposición non de lei do BNG debatida na Comisión Institucional, na que se pedía a publicación das normas do galego no Diario Oficial de Galicia (DOG).  Esta postura  inexplicable amosa o falso interés dos socialistas polo idioma propio da Galiza. Despois de catro anos as normas aínda non foron publicadas no Diario Oficial.

Unha marcha a pé en catro etapas que percorrerá a nosa ría desde Cangas a Monteferro, organizada polos colectivos integrados na Plataforma A RÍA NON SE VENDE (*), do 11 ó 14 de outubro de 2007, como chamada de atención ante os graves problemas medioambientais que este espazo ten prantexados.

A Fundación Galiza Sempre participa na VII Conferencia de Nacións sen Estado de Europa (CONSEU) que se celebrará no Val de Aosta do 12 ao 14 de outubro baixo o lema "AS NACIÓNS SEN ESTADO E A REFORMA DAS INSTITUCIÓNS INTERNACIONAIS". Xosé Manuel Beiras, presidente da fundación, presentará unha ponencia o sábado 13 con consideracións e propostas en torno á reforma da Asamblea Xeral das Nacións Unidas.

[MundoGaliza] O presidente do PP, Mariano Rajoy, comprometeuse a promover unha lei que garanta o dereito a usar o castelán no ámbito escolar en todas as administracións, iso se resulta elixido xefe do Executivo central nas vindeiras eleccións xerais.
Nunha conferencia sobre as prioridades de España pronunciada en Vigo, Rajoy sinalou que o seu proxecto de goberno non acepta as "manipulacións" con respecto á cuestión lingüística, porque segundo el "non se trata de non falar noutras linguas, senón de garantir que se poida usar o castelán en todo o territorio".

Antes expropiaba o Estado en nome do “ben común”, para facer unha estrada ou un embalse. Agora, as grandes empresas poden expropiarnos para facer unha urbanización, ou unha piscifactoría, ou poden industrializar o monte en man común. Levaban anos falando de que a propiedade privada é sagrada, e eu, coitado, non o entendín ben. A sua propiedade é sagrada, a nosa non.

Conferências em Compostela, com os professores Evanildo Bechara, da Academia Brasileira de Letras, e Malaca Casteleiro, da Academia das Ciências de Lisboa à segunda-feira 8 de Outubro, na Faculdade de Filologia, polas 12 horas. Este é o primeiro acto público da Comissão Promotora da Academia Galega da Língua Portuguesa.

[GZnación] Máis de 1.200 docentes participaron esta fin de semana nas Xornadas do Ensino e Encontros Pedagóxicos que organizou a CIG-Ensino e a AS-PG nas cidades da Coruña, Ferrol, Lugo, a Mariña Luguesa, Ourense, Santiago, Pontevedra e Vigo, onde se acordou reclamar á consellaría de Educación que aplique “na súa totalidade” o Decreto 124/2007 polo que se regula o uso e promoción do galego no sistema educativo.