CNTL.org - Xoán Manuel Sande é o deputado provincial da Coruña responsable da Área de Benestar Social e Normalización Lingüística e concelleiro na oposición polo BNG no Concello da Laracha, lugar do que é natural. Desde esta posición amósanos un punto de vista interesante da relación entre lingua e política. Nesta entrevista falamos con el de normalización, centrándonos no traballo que se fai desde a Deputación da Coruña e das relacións que esta institución ten con outros organismos con responsabilidades normalizadoras.

[O Correo Galego] "¿Que é normalizar? Coidamos que vén a ser ir facendo cotián aquilo que non o é ou que perdeu o seu carácter habitual, e con el a ética, a estética e mesmo a dignidade. E perdouno porque algo ocupou o seu sitio como subtituto", di o arqueólogo e escritor Felipe Senen, nun documentado artigo publicado no último número de O Ollo Público, revista das artes.

A publicación, única revista cultural escrita en galego, chega ao seu número 23 da segunda etapa renovando permanentemente o seu deseño e mantendo a excelente calidade do seu contido, apoiado en artículos de cualificados profesionais.

Ben falado! é un microespazo de cinco minutos diarios dedicados á lingua galega, que chegará ao público na franxa matinal, dirixido e presentado polo académico e secretario do Centro Ramón Piñeiro para a Investigación en Humanidades, Xesús Ferro Ruibal. Ben falado! será como un prato combinado, pois o telespectador accederá a explicacións do seu apelido e do nome do lugar en que vive; a curiosidades léxicas, gramaticais e ortográficas; ao sentido de ditos e refráns. Verá como se move a lingua nos colexios, nos institutos, nos movementos xuvenís, nas empresas, na Internet.

AGAL "Acabo de arribar, figuradamente, no Luxemburgo e acho que vou sucumbir à tentação de compartir convosco as minhas primeiras impressões, sendo elas como são, quais olhos verdes, traiçoeiras. Tentarei cingir-me primordialmente ao linguístico, por congruência com a temática do portal. Quando falamos de políticas linguísticas bem sucedidas na Europa, os reintegratas gostamos do caso flamengo, onde o reintegracionismo tem sido, julgamos, um factor decisivo na recuperação da língua neerlandesa na Bélgica. Não falta quem tivesse predilecção pelo modelo suíço: indivíduos plurilingues em cadanseu cantão monolingue. Eu mesmo tenho confrontado em Basileia (vila fronteiriça com a França mas no cantão germanófono) núcleos de resistência activa anti-francês (respectivamente à língua, quando menos), consequência, se calhar, de certa prepotência linguística, bem conhecida aliás, dos oriundos do país do galo.

GZnación O Consello Comarcal do Bierzo, en colaboración con distintos departamentos da Xunta de Galiza, porá en marcha, a partir do próximo mes de setembro, unha serie de programas de apoio á galeguización de toda a comarca. Así, dará cumprimento a un acordo acadado por unanimidade no Parlamento galego, en xuño do ano pasado.

Así o explicou hoxe o presidente da Comisión de Educación e Cultura da Cámara, o nacionalista Bieito Lobeira, tras un encontro mantido esta mañá co presidente do Consello, diferentes alcaldes e representantes de entidades sociais e culturais que traballan pola defensa do galego no Bierzo.

Voluntarios da Ciberirmandade veñen de localizar oficialmente ao galego dúas pequenas pero útiles aplicacións para Linux: Disk-manager e Gshutdown. Aínda que non van estar dispoñibles para os usuarios até a liberación das novas versións ou a actualización dos paquetes de linguas destas utilidades por parte dos desenvolvedores..
Disk-manager, é un asistente para  configurar as particións do disco duro dunha forma amigable. Detecta automaticamente novas particións ao iniciar, xestiona a configuración do sistema de ficheiros e activa e desactiva o soporte de escritura en particións NTFS (Windows) desde Linux (precisa ter instalado o paquete ntfs-3g).
GShutdown é unha pequena utilidade avanzada que permite programar o apagado, reinicio e remate da sesión no computador en distribucións Linux.

O Atlas Histórico da Galiza, é uma obra realizada conjuntamente por José Manuel Barbosa Álvares e por José Manuel Gonçales Ribeira. Com mais de oitenta ilustrações e mapas, este trabalho combina os materiais gráficos com os textos para oferecer uma visão que abrange, de modo exaustivo, todas as épocas e momentos históricos da Galiza, da Pré-História à actualidade, e proporciona uma explicação detalhada de cada um deles.