(Galiza, Terra de Navegantes)  O concello de Carballo distribue  a Guía Os meus  favoritos, unha compilación duns 150 enderezos web coa que pretende contribuír á difusión da nosa lingua ao tempo que convida a descubrir o ciberespazo galego.

O Concello de Carballo, a través do seu Servizo de Normalización Lingüística e por medio da guía Os meus favoritos, vai difundir unha selección de sitios web en galego para contribuír á difusión da información na nosa lingua e, ao mesmo tempo, á difusión da creación artística, da cultura, do deporte, da literatura, da música, dos espazos de participación e creación de opinión, do ensino, do medio, etc. Con esta acción quere convidar a todo o mundo a navegar e a descubrir o ciberespazo en galego. Dentro da sección que recolle enderezos web vínculados á lingua figura o de esta página, Ciberirmandade da fala. Podes ler máis información e descargar a guía premendo o leer máis.

A NOSA TERRA - O 18 de maio milleiros de manifestantes reivindicámos nas rúas e prazas de Compostela os nosos dereitos. Reivindicamos democracia para Galiza, e exercicio dos dereitos democráticos (lingüísticos) do pobo galego. Que algo tan básico e elemental teña que ser reclamado a estas alturas na rúa é síntoma ben evidente da delicada situación do noso idioma, mais tamén da vitalidade de significados sectores sociais na defensa do galego. Falta facía.

Galicia Hoxe - A Facultade de Historia da Universidade de São Paulo acolleu onte a xornada inaugural do Centro de Estudos Galegos, dirixido pola profesora Valéria Gil Condé. O departamento conta, ademais co labor docente do profesor lector Leopoldo Cañizo Durán.

A través dun convenio asinado recentemente, a Secretaría Xeral de Política Lingüística da Xunta de Galicia e a Universidade brasileira de São paulo colaboran para dar a coñecer a lingua e a cultura galega en Brasil. Froito deste convenio é que dende principios deste ano 2008 se están a impartir clases de galego no lectorado.

A PALLEIRA - Para explicar un comportamento sociolingüístico non hai nada como exemplificalo con retallos da vida. A realidade, o que sucede día a día, proporciona síntomas claros dunha situación estrutural máis complexa. Non obstante, estes indicios non son vividos da mesma maneira por todos os grupos de falantes. Un galegofalante de orixe é o primeiro en percatarse e padecer o conflito lingüístico, o bilingüísmo e a degradación do galego por castelanización.

(Galiza Non se Vende) A rede de colectivos A RÍA NON SE VENDE, integrada na plataforma GALIZA NON SE VENDE, convoca para o vindeiro domingo 25 de maio umha manifestaçom polas ruas de Vigo que terá saída ás 12:00 da praça da Estrela. MANIFESTO DE A RÍA NON SE VENDE  

Máis unha vez, desde o porto de Vigo dinnos que precisan de máis espazo, máis unha vez non lles chega o que teñen, e pretenden facer máis recheos, algún en espazos protexidos como a Enseada de San Simón. Queren aterrar no mar 23 Hectáreas. Din que é unha actuación respectuosa co medio ambiente, que ten o consenso de todos os sectores da cidade, que está baseada no diálogo e no respecto pola legalidade…. Máis unha vez mexan por nós e din que chove.

AMESA - A manifestación convocada pola Mesa foi unha das máis numerosas da democracia a favor da lingua. Arredor de vintecinco mil persoas chegadas de todos os puntos do país percorreron este mediodía as rúas compostelás reivindicando “o dereito a vivirmos en galego”. A manifestación, convocada pola Mesa pola Normalización Lingüística, contou co apoio de cincocentos colectivos do máis diverso tipo, que se adheriron ao manifesto ao longo das últimas semanas.

[A Nosa Terra ] Unha nova páxina web achegará a información erótica aos internautas na lingua do país. Mundoquente.com é o primeiro portal erótico feito en Galiza e en galego. Abordará cuestións como a sexualidade ou a moda e conta con apartados especiais para os homosexuais e o erotismo. Os promotores da páxina indican que “as informacións publicadas en www.mundoquente.com teñen a súa orixe en portais, blogues e xornais galegos, portugueses, brasileiros e españois, pero tamén dos EE UU, Francia, México, Arxentina, Italia ou Reino Unido, entre outros·. “Unha das pezas fundamentais deste novo proxecto na rede será a participación dos lectores” indican dende o novo portal. Por iso, prevén a apertura de canles especiais –incluídos contactos– para “facilitar a interactividade entre os internautas”.