Acta da Asembleia de Constitución da Asociación Cultural Galega "CiberIrmandade da Fala"

Número de inscrición no Rexistro Central de Asociacións: 2007/010254-1 (SC)

Reunidos na Rede Internet de acordo ao indicado no artigo 16.3 dos Estatutos, o día 4 de outubro do 2006, as persoas que se relacionan no “Anexo á Acta de Constitución”,

Acordan:

1º Constituir unha asociación ao abeiro da Lei Orgánica 1/2002, do 22 de marzo, reguladora do Dereito de Asociación que se denominará Asociación Cultural Galega CiberIrmandade da Fala.

2º Aprobar os Estatutos que se incorporan a esta Acta de Constitución como anexo, polos que se rexerá a entidade, que foron lidos neste mesmo acto e aprobados por unanimidade dos reunidos/as.

3º Designar á Xunta Directiva da entidade, composta polas cinco persoas e cargos seguintes:

Presidente: Minhoca
Secretario: 6ªMatriuska
Vogal: Medulio
Vogal: Ferreira
Vogal: Kiko das Leiras

Todos eles aceptan o cargo.

4. Establecer como cota anual, a cantidade de 15 €.

E para que conste, esténdese a presente Acta da Asemblea de Constitución, asinándose a presente por triplicado no enderezo particular dos asinantes e na data enriba sinalada.