Despois de dez anos de existencia, no ano 2006, e tras un longo e público debate, decidimos rexistrarnos como asociación. Nace así a Asociación Cultural Galega CiberIrmandade da Fala, coas motivacións principais de dar estabilidade económica á nosa organización, así como poder ter representación ante administracións, entidades, proxectos..

Mais o noso funcionamento pretende seguir sendo o mesmo de sempre, unha “meritocracia”, onde a posición (permisos e responsabilidades) de cada quen, conséguense co traballo. Convidámosche a ler os nosos estatutos, actas, contas.. pois queremos a máxima transparencia. Ir á documentación da asociación.

Convidámosche tamén a que formes parte da asociación, para o que debes enviar os seguintes dados por correo electrónico: nome e apelidos, enderezo, correo electrónico, alcume nos foros, e, se queres domiciliar os recibos (15 €/anuais), a túa conta bancaria. Contactar connosco.

Se non queres facerte socio ou socia, poderás colaborar economicamente.

Número de inscrición no Rexistro Central de Asociacións: 2007/010254-1 (SC)