A actual campaña desenvolvida pola CiberIrmandade, na que se demanda a corrección dos topónimos deturpados na páxina do Instituto Xeográfico Nacional, así como a realización dunha versión en galego desta web, está a ter unha repercusión moi importante. Nas dúas semanas escasas que leva funcionando, a iniciativa da CIF non só está a ser espallada pola rede, senón que chegou tamén aos medios de comunicación editados en papel, e mesmo propiciou preguntas no Congreso e no Senado españois, así como no Parlamento Galego.

Pero a acción aínda está en marcha. Participa!

Tan só desde a páxina da CIF enviáronse xa máis de 300 pregos ao IXN, de quen aínda obtivemos resposta ningunha.

Moitas foron as bitácoras, os xornais, os foros, os medios de distinto tipo que recolleron e debateron sobre a nova. Entre eles:

• Artigo n'O Xornal.com
• No GZnación
• Nos foros do recuncho galeguista de SSC
• Nova en Codigo Cero
• Nova en Vieiros
• Nova en Chuza!
• Segunda nova en Vieiros
• En La Voz de Galicia
• Na páxina do BNG podes consultar as preguntas realizadas a este respecto no Congreso dos Deputados e máis no Senado
• Bieito Lobeira presentou tamén unha pregunta no Parlamento Galego.
• En Galiza sosego
• En Galicia confidencial
• No blog informativo das actividades de Galiza Nova en Madrid
• No blog Pim pam pum
• En InfoRosal
• Na Radio Galega, o martes 21 de marzo pola mañá
• Foi portada no Galicia-Hoxe
• En Mundo Galiza
• En Indymedia Galiza
• Na web d'A Mesa pola Normalización Lingüística

Lembra que aínda podes sumarte á campaña enviándolle ao IXN este prego.

Todo este movemento na Rede reflicte a enorme importacia que ten internet como ferramenta normalizadora para a nosa fala e a nosa cultura. E por isto queremos agradecer, dun xeito sincero, a toda a xente que está a espallar esta nova nos seus medios, así como lembrar a todas e todos os internautas galegos a importancia de envíar pregos e denunciar  o estado de represión que sofre a nosa lingua en moitos ambitos.