O estudo periódico sobre os niveis de competencia lingüística no ámbito da UE non inclúe o galego e sí outras linguas oficiáis. Francisco Rodríguez (BNG) cualifica esta situación de discriminatoria para a nosa lingua xa que “non hai nengunha razón obxectiva que xustifique esta exclusión".

O portavoz del BNG no Congreso dos Diputados, Francisco Rodríguez, vén de rexistrar unha iniciativa parlamentar na Cámara Baixa na que pede ao Goberno que se dirixa á Comisión Europea para reclamar a inclusión do galego no próximo Eurobarómetro sobre os niveis de competencia lingüística no ámbito da UE.

O deputado do BNG explica que no último Informe ademáis de reflexar as linguas oficiais da UE, “sí se recolle o gaélico irlandés e o luxemburgués, ademáis do catalán e o vasco. Pero a lingua galega fica excluída de tal documento”.

Neste sentido, o parlamentar nacionalista demanda que se corrixa esta situación discriminatoria para que o próximo Eurobarómetro plasme a situación do galego. “Resulta incomprensíbel a exclusión do galego do Eurobarómetro. Non hai nengunha razón obxectiva que xustifique esta decisión, atendendo a criterios como o número de habitantes ou a proporción dos mesmos no seu ámbito territorial. O galego ten dereito a existir e a ser recoñecido”.

“Ten previsto o Goberno adoptar medidas para correxir esta situación discriminatoria?”, inquire Rodríguez, quen tamén pede ao Executivo unha avaliación sobre este feito.

Fonte:

http://www.xornal.com/article.php3?sid=20070624204746