A Associaçom Cultural Fala Ceive do Bierzo, informavos sobre os novos obstáculos que se estam a pôr ao estudo da língua galega em alguns liceus de Ponferrada. Actualmente, o alunado, os pais e as maes estam a realizar os trámites preceptivos de matriculaçom nos centros educativos do Bierzo. Algumhas pessoas dirigirom-se a Fala Ceive para denunciar irregularidades na matriculaçom, no que se refere à impossibilidade de optar pola matéria de língua galega.

No liceu “Europa” de Ponferrada, várias pessoas afectadas tenhem-nos comunicado que na documentaçom da matrícula de segundo, terceiro e quarto da ESO nom aparece expressa para poder elegí-la a matéria de Geografia e História em língua galega. A documentaçom corrrespondente que oferece o citado centro educativo, nom fai mençom a essa opçom, evitando informar sobre a possibilidade de cursar dita asignatura na nossa língua. Resulta lamentável que nom se lhe ofereça ao alunado o direito a escolher essa opçom. Isto obriga às pessoas interesadas em cursar em galego essa matéria a ter que indicar em qualquer lugar da documentaçom o seu desejo de optar por esta língua, ao nom existir um lugar específico nas folhas de matriculaçom onde fazê-lo. Denunciamos esta situaçom administrativa, totalmente irregular, que supom um novo intento por dificultar a implantaçom do ensino da nossa língua no liceu “Europa”. Queremos lembrar que a mesma denúncia foi já feita no curso passado ante o “Procurador del Común” (Defensor do Povo, de Castela e Leom). Agora asistimos à repetiçom dos mesmos factos, no que supom umha actuaçom por parte da direcçom do centro contrária ao direito que asiste ao alunado do “Europa”, e do conjunto da comunidade escolar de Ponferrada, de poder estudar a língua galega voluntariamente.

Este problema agrava-se tendo em conta que a grande maioria do alunado já preencheu a documentaçom para formalizar a sua matrícula, a pesar das manifestas irregularidades administrativas assinaladas. Fica claro que as pessoas afectadas e que já tenhem entregado a documentaçom, nom puderom optar pola matéria de Geografia e História em língua galega, pois essa possibilidade nom constava na documentaçom que o centro lhes facilitou. A direcçom do centro deve, está na obriga, de reparar de imediato este prejuizo, e possibilitar adequadamente o direito de opçom de estudo do galego a quem nom puido fazê-lo polas comentadas deficiências procedimentais.

Também alguns membros da comunidade escolar do liceu “Virgem da Azinheira” de Ponferrada, incarom-nos nestes dias que a direcçom do centro também nom oferta a matéria de língua galega em segundo da ESO. Estas denúncias já se figerom ante o Procurador do Comum por parte de Fala Ceive no curso escolar 2006-07, e agora nos vemos na obriga de repeti-las ante o mesmo órgao. Aguardamos que a necessária investigaçom do Procurador do Comum, sirva para que a Conselharia de Educaçom da Junta de Castela e Leom resolva definitivamente os problemas derivados da oferta da matéria de língua galega no Bierzo.

Xabier Lago Mestre,

Presidente de Fala Ceive do Bierzo.