29/11/2000

Estimados/as señores/as,

Suxeriríalles que dotasen a súa web de versión galega, xa que é unha magoa que unha empresa galega non utilice a lingua propia da súa terra en ningunha das súas páxinas. Coido que esto sería beneficioso, tanto se o seu mercado é só o español e europeo como se tamén se estende por latinoamerica, xa que os galegos de todo o mundo (pois ben saberá vostede que alí onde vaia é raro non atope un paisano) agradecerán o xesto da súa empresa.

Aproveito para facerlle saber que me gustaría que o embalaxe figurase tamén en galego, aínda que recoñezo a dificultade da aplicación desta segunda suxestión.

Así mesmo, teña presente nas súas consideracións que á hora de escoller hai xente que, coma eu, ten en conta, a maiores da inigualable calidade dos seus productos, este tipo de detalles.

Quedando a súa disposición despídese de vostede, atentamente, xxxxxxxxx

25/5/2000

Estimado señor Director/Administrador de "xxxxxxxxxx":

    Para o seu coñecemento e efectos, e como potencial cliente desa entidade, desexo manifestar o meu descontento polo menoscabo que coa lingua propia deste país ten a entidade que vostede dirixe/administra.

    Desexo facerlle constar que me agradaría que toda a documentación e publicidade, incluindo as súas páxinas Web que veño de visitar, estivesen na miña lingua.

    Xa que logo, como potencial cliente, esixo un cambio completo de actitude, e que as suas páxinas Web se fagan na nosa lingua.

    Tamén lle informo de que esta cuestión terá moita importancia para min á hora de elixir ou cambiar de empresa nos tramos de servizos que prestan.

        Reciba un cordial saúdo.

Asdo.: xxxxxxxxxx

25/5/2000

    Veño de ver as suas páxinas e alegrome moito de que esté en Internet unha empresa galega. Só boto de menos unha cousa e é o non poder leelas en galego. Gostaríame moito que puxera a opción de galego para poder leelas tamén no noso idioma.

        Un saudo.