Con todo, Lueiro quería darlle un cambio de imaxe e converter unha mera obra de teatro infantil en algo máis. Por iso é polo que sopesara a idea de adquirir os dereitos do texto británico e adaptalo ó galego, e á idiosincrasia da comunidade autónoma.

"O nexo de unión entre ambas as dúas historias é o bosque, que aquí será unha fraga con trasgos, meigas, fadas", di Lueiro. "A historia e o heroe son os mesmos, porque o heroe británico é universal, pero o que pretendemos é galeguizar o mito".

Produccións Acontrabutaca logrou unha axuda da Xunta para financiar o proxecto e está en negociación cunha entidade bancaria para iniciar unha xira a partir do nadal.

Lueiro di que quere facer un "espectáculo familiar dirixido a nenos, que mestura varios tipos de linguaxes escénicas (teatro, canto, monicreques...) e conta con artistas profesionais".

O elenco compóñeno, entre outros profesionais do mundo teatral Nuria Sanz, Patricia Vázquez, Rocío González, Ana Ponte, Fran Ameijeiras, Paco Oti, Rodrigo Roel, Fernando Campo, Anabel e Uxía Gago, e Xosé Lueiro ( que será o director).

Lueiro insiste en que o espectáculo, o primeiro destas características que se estreará en Galicia, se presentará a finais do mes de setembro e que os ensaios comezarán na Estrada o próximo día 3. O produtor sinala que o espectáculo estará na Feira de Artes Escénicas de Galicia.