A voceira nacionalista na Cañiza, Ana Cerviño, asegura que lle parece “un atentado á democracia que un alcalde tente prohibir que os veciños accedan a un determinado medio de comunicación. Penso que vivimos nun país libre no que os medios de comunicación deberían estar ao alcance de todos os veciños, tanto das parroquias como do centro urbano, e máis aínda no caso da Peneira, un xornal dunha traxectoria profesional longa e arraigada na comarca. Imaxínome que o feito de retirar o xornal A Peneira das estancias municipais débese a que non coincide coas ideoloxías políticas do señor alcalde. Esta suposta retirada de Peneiras dos edificios municipais paréceme lamentable porque, ante todo, débese respetar a liberdade de prensa”.

Pola súa parte o partido socialista da Cañiza amosa o seu malestar ante esta presunta decisión do alcalde cañicense de ordenar a retirada do xornal A Peneira nada máis chegar ás dependencias municipais.