|
"O que non conseguiu Franco non o vai conseguir ninguén" |
|
|
|
Escrito por apana
|
|
Luns, 27 de Agosto do 2007 |
 Anxo Quintana critica a debilidade intelectual da esquerda española e asegura que ninguén prohibirá que se cante o himno galego nas escolas.O portavoz nacional do BNG fixo referencia á polémica en torno á aprendizaxe do himno galego, acusando aos socialistas de moverse no marco ideolóxico que lles marca o PP. "Preocúpanos esa actitude do Partido Socialista, porque tivemos que asistir a episodios esperpénticos como os vividos en torno ao himno galego. Para o Partido Popular, o himno galego é igual que un arroto." Dixo o señor Feijoo, que aos nenos había que ensinarlles aos tres meses a arrotar: un desprezo absoluto polos galegos e as galegas. Pois o Partido Socialista considérase na obriga de seguir polo mesmo rego e sae dicindo que hai que prohibir cantar o himno galego nas escolas. Onde vamos a parar?, afirmou. Quintana cualificou esta actitude de debilidade intelectual da esquerda española, disposta a moverse no marco que impón a dereita máis reaccionaria. Ademais, lembrou a primeira vez que escoitou o himno nacional galego durante a ditadura de Franco, e asegurou que o que non conseguiu Franco non o vai conseguir ninguén. "É a nosa responsabilidade construír o futuro para os nenos e nenas deste país, e nós queremos nenos e nenas capaces de enfrontarse a este mundo globalizado, e polo tanto queremos que saiban todos os idiomas posíbeis e que estean preparados en novas tecnoloxías. Pero sabemos que polo que hai empezar é por non ter odio a si mesmos e ser orgullosos do que son", afirmou. |
Inicio 
