|
 A Mesa pola Normalización Lingüística analiza “con suma preocupación” as estatísticas publicadas recentemente sobre a lingua inicial en Galiza, que sinalan que o galego pasou de ser o primeiro idioma dun 60,3% dos galegos en 1992 a ocupar a posición minoritaria, do 20,6%, no ano 2004. A situación nas cidades é especialmente grave. Por exemplo, só ao 1,6% dos ferroláns e ao 4,3% dos vigueses lle falaron seus pais en galego.
Carlos Callón: “O galego está na peor situación de toda a súa historia, porén a batalla non está perdida” Só o 1,6% dos ferroláns menores de 25 anos tiveron o galego como primeira lingua A Mesa reclámalle ao bipartito a plena aplicación do Plan Xeral de Normalización da Lingua Galega nesta lexislatura, “para deter esta sangría” Estes datos proceden dos inquéritos realizados polo Seminario de Sociolingüística da Real Academia Galega para elaborar o segundo volume do Mapa Sociolingüístico de Galiza, financiado pola Presidencia da Xunta a través da Secretaría Xeral de Política Lingüística. O presidente da Mesa pola Normalización Lingüística, Carlos Callón, agarda que “estes datos estarrecedores sirvan para mover á reflexión de todos os galegos e galegas, pois de todas e todos nós depende que o galego siga vivo”. Singularmente, o dirixente da Mesa chama á responsabilidade dos poderes públicos, para que “fagan unha política lingüística seria, que garanta o dereito a vivir con normalidade en galego”. “As estatísticas son contundentes: O galego está na peor situación de toda a súa historia, porén a batalla non está perdida. O galego pode revitalizarse se se toman as medidas para iso.” Desde A Mesa sinálase como obxectivo concreto que o goberno bipartito da Xunta de Galiza dea “pleno cumprimento nesta lexislatura” ao Plan Xeral de Normalización da Lingua Galega, que se aprobou por unanimidade en 2004 e que, segundo a organización cidadá en defensa da lingua, “aínda case non se desenvolveu”. “Só poderemos deter esta sangría se se toman as medidas para deter as discriminacións ou vulneracións de dereitos lingüísticos contra as persoas que queren vivir en galego e no Plan Xeral do Parlamento hai medidas concretas para que a situación poida mudar”. LINGUA INICIAL NAS SETE CIDADES (Fonte: Seminario de Sociolingüística da Real Academia Galega. Inquérito realizado en 2004 para a elaboración do volume 1 do Mapa Sociolingüístico de Galiza, edición 2007.) A Coruña
| | Só galego | Máis galego | Máis castelán | Só castelán | Outras | | 15-24 anos | 6,3 % | 8,6 % | 46,3 % | 37,7 % | 1,1 % | | 25-34 anos | 6,8 % | 10,2 % | 40,2 % | 40,2 % | 2,7 % | | 35-44 anos | 12,4 % | 10,1 % | 32,1 % | 44,5 % | 0,9 % | | 45-54 anos | 14,5 % | 16,5 % | 27,5 % | 40,5 % | 1 % | | Totais | 9,9 % | 11,3 % | 36,4 % | 40,8 % | 1,5 % |
Ferrol
| | Só galego | Máis galego | Máis castelán | Só castelán | Outras | | 15-24 anos | 1,6 % | 3,2 % | 22,2 % | 71,4 % | 1,6 % | | 25-34 anos | 5,1 % | 5,1 % | 15,4 % | 71,8 % | 2,6 % | | 35-44 anos | 10,0 % | 7,1 % | 14,3 % | 68,6 % | 0 % | | 45-54 anos | 16,9 % | 9,2 % | 10,8 % | 61,5 % | 1,5 % | | Totais | 8,3 % | 6,2 % | 15,6 % | 68,5 % | 1,4 % |
Lugo
| | Só galego | Máis galego | Máis castelán | Só castelán | Outras | | 15-24 anos | 17,9 % | 14,9 % | 28,4 % | 38,8 % | 0 % | | 25-34 anos | 16,5 % | 18,8 % | 27,1 % | 34,1 % | 3,5 % | | 35-44 anos | 24,4% | 14,4% | 24,4% | 34,4% | 2,2% | | 45-54 anos | 33,8% | 20,3% | 17,6% | 27,0% | 1,4% | | Totais | 23,1% | 17,1% | 24,4% | 33,5% | 1,9% |
Ourense
| | Só galego | Máis galego | Máis castelán | Só castelán | Outras | | 15-24 anos | 9,1 % | 13,6% | 33,0% | 42,0% | 2,3% | | 25-34 anos | 7,8% | 11,8% | 41,2% | 38,2% | 1,0% | | 35-44 anos | 16,2% | 18,1% | 29,5% | 34,3% | 1,9% | | 45-54 anos | 23,9% | 25,0% | 19,3% | 26,1% | 5,7% | | Totais | 14,1% | 17,0% | 31,1% | 35,2% | 2,6% |
Pontevedra
| | Só galego | Máis galego | Máis castelán | Só castelán | Outras | | 15-24 anos | 9,4% | 6,3% | 32,8% | 48,4% | 3,1% | | 25-34 anos | 8,5% | 8,5% | 34,1% | 46,3% | 2,4% | | 35-44 anos | 13,5% | 8,1% | 27,0% | 47,3% | 4,1% | | 45-54 anos | 24,2% | 19,4% | 16,1% | 38,7% | 1,6% | | Totais | 13,5% | 10,3% | 28,0% | 45,4% | 2,8% |
Santiago
| | Só galego | Máis galego | Máis castelán | Só castelán | Outras | | 15-24 anos | 18,4% | 17,1% | 26,3% | 34,2% | 3,9% | | 25-34 anos | 15,6% | 11,5% | 26,0% | 43,8% | 3,1% | | 35-44 anos | 19,1% | 20,2% | 22,5% | 36,0% | 2,2% | | 45-54 anos | 24,1% | 15,2% | 26,6% | 31,6% | 2,5% | | Totais | 19,1% | 15,9% | 25,3% | 36,8% | 2,9% |
Vigo
| | Só galego | Máis galego | Máis castelán | Só castelán | Outras | | 15-24 anos | 4,3% | 3,4% | 36,9% | 54,9% | 0,4% | | 25-34 anos | 7,4% | 7,1% | 28,7% | 53,9% | 2,9% | | 35-44 anos | 5,6% | 11,9% | 21,6% | 59,0% | 1,9% | | 45-54 anos | 11,9% | 15,7% | 20,4% | 47,7% | 4,3% | | Totais | 7,3% | 9,5% | 26,9% | 54,0% | 2,4% |
Nos foros da Ciberirmandade: ligazón . |
Inicio 
Novas de usuarios/as 
