Logo das peticións dos seguidores da famosa serie "Heroes ", que ven de emitir a TVG este verán, Universal Pictures Iberia lanza o mércores 17 de Outubro a Primeira Tempada Completa da serie co son opcional en galego. Trátase da primeira vez que unha "major" americana fai expreso o seu respecto pola lingua Galega, e edita e distribúe una serie ou película con pistas de son na nosa língua. Logo do tempo que houbo que agardar para este fito, e das dificultades achadas polo camiño, desexamos que os seguidores da serie e o público galego en xeral fagan deste lanzamento pioneiro un éxito que lle dea pulo á empresa americana para voltar a inverter diñeiro na difusión da lingua galega, e o seu respecto; e así animar a outras empresas estatais ou estranxeiras a ir erguendo o tecido audiovisual de consumo en lingua galega, tan importante para nós.

O lanzamento faise en dúas edicións: unha Edición Sinxela, e unha Edición Coleccionista. As características das mesmas son as seguintes:

EDICIÓN SINXELA

* Contido: 7 Discos.
* Imaxe: 1.78:1 16/9 anamórfica.
* Son:
    o Dolby Dixital 5.1 Inglés, Español.
    o Dolby Dixital Estéreo Euskera, Galego, Catalán.
* Subtítulos: Inglés, Español, Portugués.
* Prezo recomendado: 49.95 €

Contido Extra:

* O Episodio Piloto Inédito (non emitido).
* Audiocomentarios.
* Esceas eliminadas.

EDICIÓN COLECCIONISTA

* Contido: 8 Discos.
* Imaxe: 1.78:1 16/9 anamórfica.
* Son:
    o Dolby Dixital 5.1 Inglés, Español.
    o Dolby Dixital Estéreo Euskera, Galego, Catalán.
* Subtítulos: Inglés, Español, Portugués.
* Prezo recomendado: 64.95 €

Contido Extra:

* O Episodio Piloto Inédito (non emitido).
* Audiocomentarios.
* Esceas eliminadas.

Disco 8 - Contido Extra só da Edición Coleccionista

* Coma se fixo.
* Os dobres.
* Os debuxos
* A música.
* Tráiler.
* Efectos especiais.
* Lector da mente: Xogo iterativo.
* Zona SciFi.

Tamén inclúe:
* O cómic orixinal da serie.
* Un código persoal para ir á web de Heroes e obter unha camisola.
* Logo dun sorteo, invitación para ver o primeiro capítulo da 2ª tempada nos multicines Kinépolis.