|
(Galiza, Terra de Navegantes) O concello de Carballo distribue a Guía Os meus favoritos, unha compilación duns 150 enderezos web coa que pretende contribuír á difusión da nosa lingua ao tempo que convida a descubrir o ciberespazo galego. O Concello de Carballo, a través do seu Servizo de Normalización Lingüística e por medio da guía Os meus favoritos, vai difundir unha selección de sitios web en galego para contribuír á difusión da información na nosa lingua e, ao mesmo tempo, á difusión da creación artística, da cultura, do deporte, da literatura, da música, dos espazos de participación e creación de opinión, do ensino, do medio, etc. Con esta acción quere convidar a todo o mundo a navegar e a descubrir o ciberespazo en galego. Dentro da sección que recolle enderezos web vínculados á lingua figura o de esta página, Ciberirmandade da fala. Podes ler máis información e descargar a guía premendo o leer máis.
Os meus favoritos recolle información e enderezos duns 150 sitios web en galego que se organizan por áreas temáticas, como por exemplo banda deseñada, buscadores, comunidade blog, deporte, ecoloxismo, educación, información cultural, libros e literatura, lingua, mocidade, música, recursos lingüísticos, xogos, información xeral, etc. Presentarase con 20 páxinas en formato A5.
Desta guía vanse editar 10.000 exemplares. Deles, 6.500 serán distribuídos na edición Carballo de La Voz de Galicia o día 17 de maio, en toda a comarca de Bergantiños e na Costa da Morte. O resto, será repartido entre centros de ensino, asociacións, empresas, edificios públicos, etc., de Carballo.
No ano 2006 o Servizo de Normalización Lingüística do Concello de Carballo xa editara e distribuíra unha pequena guía semellante a esta.
Descarga a guía Se non puideches conseguir a guía Os meus favoritos agora xa podes descargala aquí en formato .pdf http://www.maisinternetmaisgalego.org/mediateca/Os_meus_favoritos_Carballo_08-1.pdf |
Inicio 
