[abc] Telefónica acada estes días a cifra de medio cento de modelos de móbil con menús en galego. Trátase dunha cifra simbólica nun proceso que comezou hai máis de ano e medio, cando a Compañía comezou a comercializar terminais cos seus menús en galego, e que abrangue ás marcas máis demandadas polos usuarios. Ducias de terminais de Nokia, Motorola, Sony Ericsson, Samsung ou LG forman parte xa do extenso catálogo que ofrece Telefónica con toda a súa información en galego. Ademais, moitos destes modelos contan tamén cun dicionario preditivo de grande utilidade para o envío de mensaxes.
A compañía ten moi claro dende hai anos que o galego ten que estar moi presente nos menús dos móbiles e é por iso que leva tempo reclamando aos fabricantes que o inclúan nas súas terminais. O obxectivo estratéxico é conseguir que en 2009 tódos os fabricantes incorporen menús en galego en tódolos modelos comercializados por Telefónica, como xa fai neste momento Alcatel.