Meios próximos à extrema direita espanhola, como ‘Libertad Digital’, figérom-se eco da notícia, empregando as típicas inexactitudes do tipo de riscar à AMI de “contorna do BNG”. A associaçom ultra ‘Galicia Bilingüe’ assegurou a diversos meios ter desenvolvido um debate interno sobre a conveniência de denunicar a organizaçom juvenil independentista, decantando-se finalmente por colocar o vídeo nas maos da Polícia espanhola devido “à gravidade” do seu conteúdo e exigir que a sua difusom tenha consequências de carácter penal.

Colectivo violento

Recordamos que a citada associaçom ultradireitista financiada polos sectores mais reaccionários da sociedade galega promove, sob o discurso da ‘libertad de idioma’ e o ‘bilingüísmo harmónico’, a desapariçom definitiva do galego daqueles ámbitos sociais nos que alcançou posiçons nos últimos anos. Este colectivo organiza todos os seus actos amparado em importantes dispositivos policiais que nos últimos meses provocárom cargas policiais, feridos, detidos e graves casos de repressom económica em distintas comarcas do País, nominadamenta na comarca de Vigo, onde as sançons impostas desde a ‘Subdelegación del Gobierno de España’ ultrapassam os 22.000€.

Pode-se visionar a fita na ligaçom colocada ao pé desta informaçom. De este sítio web animamos a dar a máxima difusom à existência deste vídeo como contributo ao fracasso da repressom da mensagem que contém.