Ante a denúncia interposta por "Galicia Bilingue" contra a Assembleia da Mocidade independentista (AMI) pola ediçom da curta de desenhos animados "Vilinguismo", a nossa organizaçom quer manifestar:

- Que este filme, elaborado pola AMI no quadro dumha campanha de denúncia da desapariçom do nosso idioma e das responsabilidades que se encontram detrás deste processo, está a ser difundido desde o passado 17 de Maio pola internet e polos centros de ensino da Galiza, com o objectivo de provocar entre a mocidade galega umha reflexom sobre a realidade lingüística do nosso país. Trata-se dumha curta de ficçom e aventuras (pode-se visionar em www.gzvideos.info/vilinguismo ) que, através dumha metáfora, expom o que está a acontecer na nossa sociedade: por meio de discursos liberais como o do bilinguismo, e dumha política que obriga a conhecer o espanhol enquanto fai o galego completamente prescindível, o primeiro está a ser imposto e o segundo encontra-se num gravíssimo processo de desapariçom.

- Que a denúncia interposta pola associaçom ultra-espanholista só evidência o carácter censor e reacionário da mesma. Interpretar como real ou como "incitaçom" a qualquer cousa a batalha final do filme, na que um grupo de rapazes com poderes especiais se enfrenta a umha organizaçom de extra-terrestres que cámbiam de forma, hipnotizam a gente e cortam linguas (ainda que na curta Galicia Bilingue apareça como apoio desta organizaçom) raia o absurdo. De interpretar como verídico o que se relata na fita, o mais grave nom seria que os protagonistas voem o autocarro de GB que custodia a sede dos extraterrestres, senom que estes se dedicam a secuestrar, lobotomizar e cortar com umhas tessouras a língua dos habitantes dumha vila, a fim de converte-los ao bilinguismo... nom escandaliza isto à associaçom que preside Gloria Lago?? O cinema está inçado de cenas de violência que, de serem consideradas como apologéticas, teriam em prisom à maioria de directores e guionistas: possivelmente este seja o desejo de GB, que por fim deita a sua carauta de defensora das liberdades para se apresentar como fidel herdeira do franquismo.

- Que, como bem é sabido, a AMI nom guarda nengumha relaçom nem com a Mesa pola Normalizaçom Lingüística nem com o BNG. E qua a qualidade de "Vilinguismo" nom responde a nengumha "capacidade orzamentária" maior que a que se necessita para dispor dum PC, senom ao nosso esforço e à nossa vontade por seguir denunciando, por todos os meios possíveis, a imposiçom do espanhol na nossa Terra e o etnocídio que associaçons como GB estám a abandeirar.