AVOGACIA.org - Un grupo de representantes da xudicatura e as forzas de seguridade na comunidade autónoma, proxectaron a posta en marcha dunha asociación que pretende impulsar o uso da lingua galega en todos os órganos xurisdicionais.

A posta en marcha da asociación, que se denominará Irmandade Xurídica Galega, terá o seu acto de celebración o vindeiro sábado no mosteiro de Celanova.

A IXUGA, que se crea por iniciativa da Asociación de Funcionarios para a Normalización Lingüística de Galicia, pretende aglutinar a maxistrados, fiscais, notarios e persoal da Administración de Xustiza que operan na comunidade galega na actualidade.

Togados

De feito, os primeiros irmandiños serán investidos coa toga emblemática da irmandade, que corresponderá a xuíces, fiscais e avogados. Algúns dos que teñen prevista a súa asistencia son Carlos Varela, fiscal superior de Galicia ou Xosé Xoán Barreiro Prado, presidente da sección segunda da Audiencia provincial de Pontevedra.

No acto de constitución da irmandade, que comezará a partir das doce do mediodía, haberá presenza ourensá, xa que estarán Luis García Mañá, comisario xefe da Policía de Galicia, e o letrado Miguel Anxo Trigás, ex presidente do Consello da Avogacía Galega.

Nova orixinal: http://www.avogacia.org/w3/article.php3?id_article=2177