|
"Manifiesto por la lengua común", resposta de Manuel Rivas |
|
|
|
Escrito por apana
|
|
Domingo, 29 de Xuño do 2008 |
elpais 1. "Da luz nace a escuridade", anotou de forma enigmática Nicholas Hytner, director de cine das bruxas de Salem. 2. Goethe empeñouse en demostrar, sen querer considerar outras evidencias, que a teoría das cores de Newton era unha estafa. Segundo el, a suma de todas as cores era o gris. E xamais recoñeceu o seu erro: "Este sentimento de superioridade permitiume soportar a estúpida arrogancia dos meus adversarios". 3. En 1932, un grupo de intelectuais brasileiros presentou un manifesto clamando por "o Principio de Autoridade". 4. Na posguerra, un profesor de dereito de Santiago comezaba as súas clases con este saúdo: "Damas, cabaleiros e alféreces provisionales...". 5. Entre os firmantes do Manifesto pola lingua común hai alféreces que propuxeron, en jocoso ton intimidatorio, publicar as listas de "non firmantes". 6. Non abre a boca a literatura: a que pregunta. 7. Nada se di das "outras" linguas, da súa "sorte", situándoas na sospeita difuminada, falas espectrales sen hábeas corpus. 8. É un texto apodíctico, con pasta de decreto, que axitará como providencial trofeo a gran dama do "novo lerrouxismo". 9. Fervorosos "constitucionalistas" propoñen no substancial darlle unha trabada á Constitución, pese a que di da lingua castelá: "Todos os españois teñen o deber de coñecela". 10. ¿Cal é o concepto do común? ¿Forman parte as "outras" linguas do patrimonio común? 11. Este Manifesto, esta torpe campaña, provocará o alporizamento de todos os nacionalismos. 12. Co seu manifesto Anti-Dantas, o futurista Negreiros fixo soado a Dantas. 13. Non coñezo a ningún cidadán que renuncie ao castelán. Si a algúns que humillan proclamando a inutilidad das "outras" linguas. 14. Abrazo o castelán no exilio, nos sefarditas, no Sáhara, en Porto Rico. 15. España necesita manifestos de convivencia e lexemas de simpatía: cultivar a biodiversidade e non a bioperversidade. |
Inicio 
