Novo obxectivo: Concello de Sanxenxo

[apana]

Sanxenxo é un concello da Provincia de Pontevedra. Pertence á Comarca do Salnés. Considerado como unha das capitais turísticas de Galiza, conta con 17.216 habitantes (INE 2008). Sanxenxo dispón dunha páxina web oficial con opción para varios idiomas incluído o galego. Pero só en aparencia, a realidade é que desde hai anos a única opción operativa é a de español, o galego segue 'en construción'. Sabemos perfectamente que é posible para este concello galego ter a páxina web na lingua propia de Galiza. Que tampouco é ningunha utopía ter a nosa lingua como opción predefinida. Que todo isto contribúe ademais a ser un elemento diferenciador que o singulariza e lle dá un plus cultural enriquecedor. Como sabemos con seguridade que todo isto é certo, animámoste a participares nesta nova campaña da Ciberirmandade da Fala enviándolle un prego ao alcalde e partidos políticos do concello. Colabora enviándolles este prego: http://tinyurl.com/28e76xt

[outeiro]

Prezados colegas, como acabo de aderir à campanha actual enviando a carta e adaptei para a norma AGAL, já que o texto em norma portuguesa substitui léxico e morfologia galegos por formas portuguesas nom galegas (como "pela" por "pola"), deixo aqui a adaptaçom que realizei para que a disponibilizedes como mais umha opçom.

Obrigado.


Senhora Presidente da Cámara Municipal:

Para o seu conhecimento e efeitos, desejo manifestar a minha decepçom
polo menosprezo que com a língua própria deste país tem a entidade
que vocês dirigem. Sou um cidadão galego e possível visitante estival
da sua vila. Porém quando acedo à sua página web para me informar em
galego sobre Sam Genjo esta opçom nom está operativa desde hai
anos. Cumpre, pois, lembrar-lhes uns artigos da Lei
3/1983 de "Normalizaçom Lingüística", lei que se está a incumprir
a corporaçom municipal que representa:

* Artº 4.1. O galego, como língua própria de Galiza, é língua
oficial das instituições da Comunidade Autónoma, da sua
Administraçom, da Administraçom Local e das Entidades Públicas
dependentes da Comunidade Autónoma.

* Artº 6.3. Os poderes públicos de Galiza promoverám o uso normal da
língua galega, oralmente e por escrito, nas suas relações com os
cidadãos.

E também o disposto pola Lei 5/1988 do uso do galego como língua
oficial polas entidades locais.

Sabemos perfeitamente que é possível para este concelho ter a página
web na nossa língua Que também nom é nengumha utopia ter o galego
como opçom predefinida. Que todo isto contribui ademais a ser um
elemento diferenciado que o singulariza e lhe confere um plus cultural
enriquecedor.

Portanto, solicito-lhes umha mudança de atitude, e que
disponibilizem a sua página web, por defecto, na língua própria deste pais sem menoscabo doutras opções linguísticas.

Um saúdo

[apana]

Grazas Outeiro, engadido.