Nunca Mais incendios en Galiza...!

[Erasmo]

Deixovos a continuación o texto do e-mail que veño de enviarlle ó Conselleiro de Medio Rural e que considero unha cuestión de máxima gravidade para o futuro NATURAL de Galiza.

---

A verdade é que se todo está tan actualizado coma a Paxina Web desta Consellería non me estraña nada que GALIZA esté a arder polos catro puntos cardinais.

Sr Conselleiro agardo que teñas o que hai que ter (en política) para presentar a TÚA DEMISIÓN polas graves declaracións realizadas o Venres en Sé Parlamentaria dicindo que tiñamos os 'medios suficientes' para facerlle fronte ó lume.

Cando non hai nin planos de actuación nin se sabe como facerlle fronte á Organización Real do País... o mellor que se pode facer é recoñecelo e deixar o sitio as persoas (do BNG, do PSdG, do Inferno se fai falla...) que teñan capacidade para salvar a nosa terra desta catástrofe.

Polo ben do país... demite e fai as declaracións que teñas que facer para dicirlle ó pobo galego quenes son os responsables desta total falta de coordinación e respota conta o lume criminal dos especuladores.

Fala todo o que queiras en Sé Parlamentar (coma che gosta dicir) pero deixa un cargo que che ven moi ANCHO meu amigo.

Sinceiramente descorazonado...

Erasmo (aínda que no orixinal asinei co nome completo e mailo DNI)

http://vigo.cidadans.net/Erasmo/

INCENDIOS EN GALIZA NUNCA MÁIS...!!!

-----

Se considerades opotuno enviar algo similar ó Conselleiro aquí vos deixo o Correo-e e supoño que exercer a autocrítica é algo saudable para todos.

D. Alfredo Suárez Canal
Correo Electrónico = gabinete.agri@xunta.es
-----

[6matriuska]

Nom sei Erasmo, nom creo que o Conselheiro sexa tam responsavel como para esixirlhe a dimissóm.

Num periodo de seca quando se levantam os ventos nom há instituçom nem pais que poida garantir a reduçom do risco de incendio até 0.
A política florestal, e em concreto a da luta contra o lume, som políticas a meio longo praço que tardam em dar resultados. A única forma de "controlar" os lumes é reduzir ao máximo o combustivel (aquelo que arde), porque incendiarios sempre pode haver.
Para reduzir o combustivel nom há que talar as árbores, como dizía o lumbreras de Bush, se nom limpar o sotobosque, podar etc...
Isto é algo sumamente caro mas possivel com uma política ajeitada que necesariamente toca múltiples eidos (muito mais alo da Conselhería de meio rural) que afecta desde a estructura da poboaçom, usos do solo, ordenaçom florestal e cinegética, turismo rural, política energética potenciando a biomassa etc... Som muitas as legislaturas que se precissam para fazer isto e sobre todo para que se vexam os resultados.

Confio em Suaréz Canal, e penso que há que darlhe tempo. Mas antençom, é mui probavel que o que queda de verám e o verám que vem, e o outro...sigamos tendo incendios.  A soluçom nom passa por mercar mais hidroavións, a soluçom pasa por por em valor o monte.
Suarez Canal pecou de ingenuo ao dizer que havía suficientes meios. Cumha superficie florestal como a nossa e num estado de abandono, com os veráns que nos está dando o cambio climático si lhe engadimos um pouquinho de nordés, nom há deus que pare ou evite o lume se um cabronazo decide sacar o mistos a pasear.

[Medulio]

Pois eu estou dacordo cos dous e básicamente penso que o Goberno galego en pleno está amosando a súa incompetencia en tódolos ámbitos. Non aportan traballo, nin novidades, nin coordinación... só liortas.

É evidente que hai temas que requiren dun tempo pra amosa-la súa evolución pero o que é INADMISIBLE é que a situación sexa aínda peor que a que había fai un ano, e iso non é só culpa de Suárez Canal, evidentemente, pero é culpa de todos os compoñentes do goberno que non son quen de para-la inercia establecida e permitir que as cousas sigan a peor (e non falo só do lume).

Chega un momento en que timos que fartarnos desas xustificaciós de condicionantes sempre externos pra desculpar unha situación que vai camiño da catástrofe en tódolos ámbitos, tanto material coma cultural, e que en moitos casos é alimentada dende o propio goberno e noutras "déixase facer".

Eu non o entendo, de verdade. Se os políticos galegos non serven pra goberna-la Galiza que emigren... faríannos un favor.

[Erasmo]

Suarez Canal pecou de ingenuo ao dizer que havía suficientes meios. Cumha superficie florestal como a nossa e num estado de abandono, com os veráns que nos está dando o cambio climático...

Precisamente por estas razón que apuntas penso que debera demitir sen mais dilacións... xa sabemos que a política é unha tarefa con moitas reviravoltas pero o que non é de recibo SON UNHAS DECLARACIÓNS PRESUNTUOSAS precisamente dunha persoa que debera coñecer moi a fondo o perigo permanente no que se atopa o país...

A máis de que sería un xesto que abrira un camiño de DIGNIDADE na política en Galicia... sería coma dicir: aquí xa NON VALE TODO...!

E a partires do día seguinte poñer tódolos medios para chegar ó fondo das responsabilidades desta acción criminal sen precedentes en Galiza...!

Sintoo pero a un Sr.Conselleiro non se lle poden 'escapar' estas tonterías... lembrades aquel 'engominado' do Prestige... Delegado do Goberno en Galiza... cando dícía que todo estaba baixo control...?  

Pois penso que UNHA COUSA non quita a outra...

Suárez Canal poderá seguir levando adiante políticas a LONGO PRAZO coas que estou moi de acordo, pero -para mín- demostrou que non sabe Xestionar o día a día na súa propia Consellería...?

A rabia e a impotencia que sinto vendo como o fume cobre o Sol... precisa que alguén dea a cara por Galicia e non máis desculpas de 'mal pagador' coma nos teñen acostumbrados case sempre os nosos políticos...

INCENDIOS NUNCA MÁIS...!!!

[ghalleiras]

Pois non estou deacordo con Erasmo e si con 6ª matriuska.

Coido que aínda que neste momento houbera ou se duplicaran os medios de extinción, o lume ia ser imparabel igual. Probablemente cando o conselleiro dixo que  habia medios suficientes tiña certa razón, .....habia medios suficientes para un nível de incendios determinado polos proprios datos estatisticos nos últimos 20 anos.

Coincido con 6ª matriuska ao entender que unha política de prevención ten que estar aparellada á posta en valor do monte e non en investir en mecdios para apagar incendios, salvo os necesarios. Coido tamén que as condicións climatolóxicas deste ano influen, pero tamén penso que hai algo máis detras de tanto incendio......

Por certo a web da Consellaría si esta actualizada, practicamente todos os días, con datos sobre os incendios , con partes diarios, etc. A web que ti enlazaches é a do portal da xunta, que en todo caso non actualizan os encargados de facelo, ou non poñen os links a web actual:

http://mediorural.xunta.es/

[Erasmo]

A web que ti enlazaches é a do portal da xunta, que en todo caso non actualizan os encargados de facelo, ou non poñen os links a web actual:http://mediorural.xunta.es/

Gracias pola información pero ben poderían solucionalo non cres?

Pemitídeme que me estenda un pouco máis na miña tese e na miña petición de demisión do Conselleiro...  :idea:

NUNCA MAIS INCENDIOS EN GALICIA...
HIPOTESE DE TRABALLO PARA UN CONSELLEIRO EN PARO...!

Venres, sábado, domingo, luns... e seguimos sen poder ver o sol atrapado detrás dunha fumareda que nos quita ata as ganas de vivir...!

Levamos catro longos días agardando unha explicación racional do que está a suceder... pero ninguén sabe nada, ninguén fala claro, ninguén pode organizar á sociedade civil que estamos sen saber o que facer para rematar con este pesadelo...

Que si unha Comisión Interministerial en Moncloa, que si Portugal tamén está a arder, que se mal de moitos consuelo de parvos... e non sei cantas historias máis... pero o lume non se controla ou non se sabe ou non se quere controlar...!  Que se faltan medios que se sobra quen mande... todo segue ardendo ata que non quede pau que queimar...!

Eu só sei que o Sr. Conselleiro do ramo... fixo unhas declaracións o Venres dicindo que tiñamos os ‘medios suficientes’ para facerlle fronte ó lume. Esto é o único que sei de certo. E hoxe Luns xa falaba a mesma persoa de que si un cúmulo de circunstancias non previstas facían imposible controlalos lumes da Galiza...

Todos podemos equivocarnos, sen dúbida, pero non somos o Conselleiro do Medio Rural... por iso creo que podemos dicir con claridade que cando un responsable político erra deste xeito falando de cuestións propias da súa competencia... é mellor separalo rápidamente destas responsabilidades xa que demostra sobradamente non ter nin idea do que se trae entre mans...!

A vida e o futuro sustentable dos galegos e galegas estaba nas súas mans e unha fachenda de prepotencia fixo que as verbas fatuas as levara o vento do nordés avivando lumes devoradores das nosas vidas e da nosa terra.

Xa que parece ser que a Ministra de Medio Ambiente está disposta a chegar ó final desta trama criminal ofrézolle a miña hipótese de traballo (tan válida coma outra calquera mentras non se demostre o contrario)... coma se dunha brigada de élite da Garda Civil se tratara imos operar coa seguinte hipótese de traballo:

En Galicia se anunciaron a bombo e pratillo a entrada de moitas Multinacionais do Formigón, do Chalet Adosado e da Urbanización de Luxo... pero todos sabemos que mercar terreos queimados é mercar terreos baratos... sobre todo se lle aplicamos unha recente lei do solo (non sei se está en vigor na súa totalidade ou non) que dí que aqueles terreos queimados non poden ser recalificados para promocións urbanísticas antes de 30 anos...

Mercar estes terreos sería cousa de nenos: os galegos deprimidos pola catástrofe venderían correndo para saldar as perdas da madeira e a tristura da alma... Mercamos Barato!

Como esta catástrofe ecolóxica e criminal pode á vez modificar moitas vontades políticas nos votantes requeimados cunha xestión impresentable na loita contra o lume... un cambio político poderíase contemplar en breve nunhas vindeiras eleccións municipais que están á volta da esquina... para dende alí, dende os Concellos, forzar un cambio no executivo da Xunta de Galicia.

Mercamos Barato. Temos o Goberno. Agora só fai falla cambiar as leis, e onde digo digo... digo Diego... e onde se dicía terreos queimados non poden ser recalificados (engadimos) agás se se trate de proxectos urbanísticos de claro interese xeral (social) ou cunha extensión mínima superior a tantas Hectáreas... ou vaia vostede a saber que clausulas se redactarían para xustificar o cambio na lexislación?

Xa podemos edificar. E vender os adosados con vistas ou en paraxes naturais de privilexio mercados por catro patacóns a precio de ouro. Vendemos Caro!

Podería ser esta unha hipótese plausible para que traballe a Guardia Civil?  Pois xa saben vostedes o que teñen que facer, dar orde ó Rexistro da Propiedade de que consigne nunha Lista Negra tódalas adquisicións dos terreos queimados... e ter paciencia...!

Pero mentres tanto... que tal se vai presentando a súa demisión o Sr.Conselleiro do Medio Rural?

INVITOVOS a exercer a crítica do que está sendo unha xestión deplorable na loita contra o lume e recordarlle as súas responsabilidades a
D. Alfredo Suárez Canal
gabinete.agri@xunta.es


E se quere empregar a hipótese de traballo aquí ofrecida terá moitos anos para seguir pescudando e vixiando as compras e ventas dos montes que arderon hoxe... e se ainda non está xubilado daquela poderá presentar unha demanda xudicial contra os ESPECULADOES CRIMINAIS...
que queimaron Galiza enteira... cando il era Consellerio do Medio Rural.


Nota Bene:
enviei unha breve nota a Quintana para que facilite o relevo urxente do Conselleiro... Coma Vicepresidente debe aportar solucións... non si...?

[Teijeiro]

Se cadra xa é hora de pedir axuda á UE coma fixo Portugal cando tamén estaba en chamas, e para unha vez que ter os soldadiños españois na Galiza, podería servir de algo, estes desplegáronse con lentitude. Ou coma dixo o foreiro velvert no fórum de actualidade xeral do SSC español.
http://skyscrapercity.com/showthread.ph ... ost9556915

No valoramos lo que tenemos. Damos asco. Para que están los militares en cuarteles como Ferrol? para vigilar en las garitas?

eso digo yo, es de coña. estan aqui los militares en cuartel de Figueirido (al lado de la ciudad de Pontevedra) y los mandan HOY a ayudar. pero que es esto hombre!!? Y encima al parecer fue un desastre la organizacion de éstos hoy.

lo mas triste de estos días (ayer y anteayer) era no ver ni un solo medio aereo en Pontevedra y alrededores. daba pena navegar ayer por la ría y ver el panorama de focos por todos los lados y ni siquiera un mísero helicoptero.

[6matriuska]

A]
Mercar estes terreos sería cousa de nenos: os galegos deprimidos pola catástrofe venderían correndo para saldar as perdas da madeira e a tristura da alma... Mercamos Barato!
...?

"Os galegos deprimidos" se sabem que queimando o monte, iste pode ser recalificado e podem venderelho aos Sr. do formigóm estaríam todo o ano có chisqueiro no peto pegando lume a mansalva.

Pode que a trama inmobiliaria tenha algo que ver nalgúm casos, pero sendo assím, como explicas o que leva sucedendo em Ourense nós últimos 10 anos, nom creo que Verín, Oimbra, Monterrei etc... se vexam afectados por um bum inmobiliario.

Por desgraza, eu achaco a maioría dos lumes a factores muito mais simples e primarios, causas tam estúpidas como envexas, ciumes, mal entendidos etc...

Os incéndios de este verám nom íam mudar muito aínda que o 50% dos cargos da conselhería fosem de Adega e Verdegaia. Os resultados da política florestal comezaráse a ver dentro dum par de legislaturas, e aínda assím, aínda que tivesémos na ria de Pontevedra um portavións com 500 hidroavións, se se volve a dar a suma de sequía+combustivel+vento+filhos de puta, aquí nom há deus que evite lumes. A polìtica florestal poderá minimizar os seus efectos, agora, evitalos....
Polo de agora a Consellería obriga a que as repoboaçons que se fagam tenham, como mínimo, um 30% de especies autóctonas. A partir do ano que vem a consellería limpará aqueles montes que os seus propietarios nomo fixerom (pasando a correspondente factura).
Ademais desde a Consellería tiverom o valor de rescíndir as brigadas unicipais (conveniadas até agora com 260 concelhos), que nom eram outra cousa que grupos colocados a dedo polos concelhos, com escaso interés no monte, e que nom tinham que rendir contas com ninguém. Agora, se querem ter brigada terám que ter um capataz ao mando.

Coincido com Suarez Canal em que hai meios abondos. Outro dos erros da anterior administraçom fui fazer da luita contra incéndios "um negocio", que ademais, e como casi sempre se levavam as empresas de fora.
Fundamental limpar os montes no inverno. Se isto é mui caro,  outra opçom é deixar gado ceive no monte, cabalos, cabras ou vacas, isto mantería o mato baixo, mas dificultaría a regeneraçom dos bosques.

Por último, e sem querer ser pesado, esponho a continuaçom as dúas linhas estratégicas fundamentais e prioritarias que fixou a conselhería de Meio Rural. O desenvolvimento delas leverá aparelhado a disminuçom dos lumes. Copio e colo dum trabalho que fixem há ums meses.

4.1Relevo xeracional e incorporación de mozos ao agro.
Dentro do programa de Dinamización, valorización e fixación de poboación no medio rural incentivaranse os plans de relevo xeracional fronte aos de abandono da produción e reduciranse os requirimentos necesarios para optar ás axudas económicas, como o da cesión total da titularidade dunha explotación.

4.2Banco de Terras, mobilización de terras improdutivas
En relación co Programa de mobilidade de terras improdutivas, a prioridade da Consellaría é por en valor a superficie agraria útil que actualmente está abandonada a través do Banco de Terras de Galiza, un organismo público de intermediación para que as explotacións agrogandeiras e forestais dispoñan de fincas infrautilizadas e aumenten así a súa base produtiva. O titular de Medio Rural avanzou que a concreción deste instrumento se ultimará a través dunha lei que se presentará e debaterá durante o próximo ano no Parlamento de Galiza.

[Medulio]

Evidentemente o lume non é doado de apagar, polo que o máis intelixente é evitar que se produza, pero non poñendo anuncios na prensa precisamente...

A culpa é só da Consellaría de Medio Rural? Non ten moito que ver tamén a de Ordeación do Territorio? E o principal responsable é o sr. Presidente da Xunta, non si? (por certo, por onde anda?). Postos a demitir debería demiti-lo goberno en pleno...

E se non... como é posible falar de tir medios pra controla-los incendios e logo pedir que envíen un grupo do SeProNa pra que investigue a orixe dos incendios? Qué pasa, que na Galiza somos parvos e non sabemos ou qué? (pois tempo tivemos dabondo que levamos xa 30 anos de lume contínuo).

Pero non só é cousa do goberno da Xunta:

- Os Concellos son responsables directos do que pase nos seus territorios, e non se pode pasar todo o ano rañando a barriga e logo botarlle as culpas á Xunta (hai que controlar ben a evolución da ocupación do territorio e condiciós do entorno, sres. alcaldes...).
- Os propietarios de vivendas construidas en zona "peri-urbana" saben ó que se expoñen cando o fan, e ben se gaban dos vantaxes da sua casa fronte ás agregaciós masivas nas cidades.
- Os comuneiros ben recollen os cartos das expropiaciós en monte común cando por alí pasa algunha infraestrutura, pero resulta que non rozan o monte porque "hai que pedir subvenciós á Xunta no marzal e non as conceden ata setembro, e se ven o sitio limpo tampouco as dan..." por iso millor non facer nada e quedar a velas vir que é máis cómodo. E logo, póñense a rozar a toda presa istes días coma andan a facer nos arredores de Vigo (istes si que pían tarde).

Vamos, que TODOS somos responsables destas desfeita, unhos por non facer, outros por deixar que non fagan, aquiles por fachendear de tir o que non saben, os demáis por non esixir ata que se lle queiman os collós... e sobor de todo os cabrós que plantan lume, e gostaríame saber por qué e a cambio de qué.

Iso si, coa recalificación de terreos, novas edificaciós e promoción do turismo xa podemos ir pensando un novo "slogan":

"Si su enemigo le manda al infierno... venga a Galicia!"

[ghalleiras]

Fago un copiar/colar dunha nova que aparece en chuza, que me parece moi ilustrativo para este debate.

Unha noticia que revela a proporción dos medios anti incendios dispoñibilizados na Galiza: En Portugal case 1.000 efectivos para facer fronte a 17 incendios nun territorio de 97.000 km2. Na galiza 4.700 bombeiros (5 veces máis) para máis de 100 incendios (6 veces máis) e un territorio de 27.000 Km2 (máis de 3 veces menos). A proporción de efectivos é aproximadamente a mesma, pero a dotación por Km2 é máis de 15 veces maior! Faltan medios ou sobran incendios?

[Erasmo]

Para empezar o gabinete da consellería do medio rural acusou hoxe RECIBO da miña petición de DEMISIÓN do Conselleiro do 'ramo'...
(algo é algo)

IMOS EN POSITIVO:

NUNCA MAIS INCENDIOS podería operar dende os Concellos afectados polos lumes, empregando as infraestructuras informáticas dos propios Concellos se existen ou creando webs OFICIAIS ad hoc que coordinen os traballos dos VOLUNTARIOS CONTRA O LUME.

MATERIAL QUE DEBE APORTAR A XUNTA URXENTEMENTE:

Mascarilla / Casco / Pala Apaga Lume / Botas / Sulfatadoras Cargadas de Auga (camionetas que as transporten arreo).

1. Os VOLUNTARIOS CONTRA O LUME estaríamos ás ordes dos reténs que actúan nas Zonas e traballaríamos sobre todo coma FORMIGAS que SEN PRESA PERO SEN PAUSA barreríamos aqueles focos que son susceptibles de se REAVIVAR co vento...!

2. Se houbese REFLECTORES poderíamos traballar de NOITE xa que sería moito máis agradable o traballo e mellor realizado... con máis calma pois a temperatura permitiría traballar máis horas a gusto... e o lume vese mellor na noite impedindo accidentes graves por cambios repentinos na dirección do lume...

3. NINGUÉN TRABALLARÍA POLA SÚA CONTA... OS VOLUNTARIOS CONTRA O LUME estaríamos só pra apagar ou manter refrescadas aquelas zonas extinguidas polo reténs e hidroavións...

4. SEREMOS UN EXERCITO DE FORMIGAS CONTRA O LUME...

5. En caso de que non haxa material para apagar o lume nos primeiros dias... que cada quen busque unhas BOTAS AXEITADAS / UN PAR DE CALCETÍNS GROSOS / UNHAS MASCARILLAS DE FARMACIA PARA O FUME / e nons sei que sería mellor se FREGONAS GRANDES PARA APAGAR... OU ESCOBAS DE RAMALLOS... en fin os detalles mellor sobre a marcha...!

PERO NECESITAMOS QUE A CONVOCATORIA DOS VOLUNTARIOS/AS NON SEXA BOICOTEADA POLA XUNTA OU OS SERVIZOS DE PROTECCIÓN CIVIL... ou os ALCALDES de turno que todo o saben e todo o entenden... mentres ARDE GALIZA ENTEIRA...!!!

NECESITAMOS COORDINACIÓN pero o Conselleiro de Medio Rural debe estar moi ocupado especulando coas súas pantasmas propias...!!!

OGALLÁ ALGUÉN SEPA COMO CANALIZAR ESTE GRITO DENDE O MORRAZO... LEVAMOS 5 DÍAS ARDENDO... XA CASEQUE NON QUEDA NADA PARA ARDER.... DIOSSS...!


Baixo o lema DEIXA O RATO E COLLE O SACHO veño de abrir este mesmo tema no corazón do sistema (VIEIROS) e soliciteilles que destaquen o post...

http://foros.vieiros.com/foros/viewtopi ... 1253#11253

Penso que poderíamos seguir a discusión nese foro por máis operativo e porque a fin de contas o Conselleiro do Ramo... ven sendo do BNG... e así todo o Bloque pode 'escoitar' e 'participar' dunha vez na SOLUCIÓN DESTE PROBLEMA...!!!!

Se queredes claro...!  
http://vigo.cidadans.net/Erasmo/

[Medulio]

Unha noticia que revela a proporción dos medios anti incendios dispoñibilizados na Galiza: En Portugal case 1.000 efectivos para facer fronte a 17 incendios nun territorio de 97.000 km2. Na galiza 4.700 bombeiros (5 veces máis) para máis de 100 incendios (6 veces máis) e un territorio de 27.000 Km2 (máis de 3 veces menos). A proporción de efectivos é aproximadamente a mesma, pero a dotación por Km2 é máis de 15 veces maior! Faltan medios ou sobran incendios?

As dúas cousas: fallan medios, sobran incendios e sobor de todo falla planificación que é o máis grave.

O lume é coma os defectos: se non o atallas antes de aparecer ou cando é pequeno é case imposible facelo.

Respecto ó tema dos medios: botádelle unha ollada a isto. É da campaña contra-incendios do 2005 en Cataluña:
 - 6112 persoas pra unha superficie semellante á da Galiza pero cunha dispersión territorial moi inferior.

Canto ós medios materiais deixo dúas imaxes (non atopei estatísticas dos que dispón a Xunta pero por se alguén o sabe, pra comparar...).

Pero eu sigo dicindo que o máis patético é o tema de tir que solicitar que envíen alguén de Madrid pra investiga-lo tema porque os do SeProNa que hai na Galiza deben ser parvos e non entenden.

Ben, máis patético aínda foi ver o Marianico Rajoy e o Feijoo facendo o paiaso cunha mangueira no medio das borreas...

[Erasmo]

DEIXA O RATO E COLLE O SACHO...!

VOLUNTARIOS CONTRA O LUME...!

NUNCA MAIS INCENCIOS EN GALICIA...!

http://foros.vieiros.com/foros/viewtopi ... 1253#11253

[ghalleiras]

Para empezar o gabinete da consellería do medio rural acusou hoxe RECIBO da miña petición de DEMISIÓN do Conselleiro do 'ramo'...
(algo é algo)

Poderias pegala aqui?

Máis que nada por saber que é o que te contestaron, ou só foi acuse de recibo sen máis?

Mascarilla / Casco / Pala Apaga Lume / Botas / Sulfatadoras Cargadas de Auga (camionetas que as transporten arreo).

Perdoa, non quero ser impertinente, pero gustariame saber si algunha vez estiveches apagando algún incendio, tan só a uns 20 ou 30 metros de distancia tan siquera.

[ghalleiras]

Canto ós medios materiais deixo dúas imaxes (non atopei estatísticas dos que dispón a Xunta pero por se alguén o sabe, pra comparar...).

Os da Xunta estan aqui
http://mediorural.xunta.es/forestal/Med ... /index.php

Non contei todo pero a gros modo é o seguinte:

Helic. 2500 l. x 2 = 5.000 litros
Helic. 1500 l. x 15 = 22.500 litros
Helic. 1000 l. x 1 = 1.000 litros
Avións 2200 l. x 11 = 24.200 litros

Total capacidade 52.700 litros

Cuadrillas e todo iso non o contei