EXCLUSIVA-Descuberto o vínculo entre Galicia Bilingüe e FAES

[Kiko das Leiras]

Galicia Bilingüe é unha asociación con escasos membros e cuns dirixentes sen a menor cualificación política, profesional ou intelectual. A pesar diso, conseguiu implantar nos medios -e, consecuentemente, na opinión pública- o seu discurso e a súa marca, grazas a unha estratexia moi ben planexada por profesionais competentes. Como é posible esta falta de proporcionalidade entre o que Galicia Bilingüe é de feito e o eco alcanzado? Pois por dous motivos moi simples:

1. O nacemento de Galicia Bilingüe foi deseñado no círculo madrileño da FAES como ferramenta para redefinir os termos do debate lingüístico en Galicia. O discurso foi realizado por profesionais do marketing político cunha dilatada experiencia (concretamente, na política basca).
2. A campaña de imaxe que acompañou o lanzamento de Galicia Bilingüe foi realizada pola empresa alavesa Alegría Activity por encargo da FAES e financiada cos fondos da fundación presidida por José María Aznar (ou sexa, cos nosos impostos, xa que a FAES é a fundación que máis diñeiro recibe do Estado español). Non estamos en posesión dos datos para afirmar rotundamente que ese financiamento se mantivo no tempo, mais é probable que así sexa.

Por certo, esta información é unha das moitas que obraban en poder de Emilio Pérez Touriño e que o ex-Presidente se negou a utilizar, seguindo a liña de política de guante branco frente a un PP que practicaba o xogo sucio na oposición e sigue a facelo no goberno. Un dos escrúpulos de Emilio viña motivado polo feito de que a empresa basca que realizou a campaña é próxima ao PSOE: a FAES utilizou a coñecida estratexia de facer os encargos delicados a empresas do inimigo, para neutralizar as críticas que lle poderían caer, e a benintencionada torpeza do noso ex-Presidente fixo o resto.

http://feijoomente.blogaliza.org/?p=1409

[Convidado]

Linno onte en Feijoomente.
Era cuestión de tempo que saltara esta relación.

[apana]

Estaba claro que detrás destes catro fascistas estaba Aznar e a Faes, porque o deseño das campañas de acoso contra os galegos son totalmente profesionais, moi lonxe da capacidade económica e intelectual de glori e o pousadiña. Ademais de que está claro que os cuantiosos cartos de que dispoñen non os poñen dos seus petos. Son iso uns simples sipaios, mercenarios, vermes, fillos de sete pais...

[Kiko das Leiras]

Estas xentes non tenhen perdón.... As FAES promocionando o espanholismo.

Lobos con pel de cordeiro..

[Gallaecia]

Bo aporte mais non di nada novo